ઉદાસી (વાર્તા)

                             ઉષા અને ઉમા બન્ને બહેનપણીઓ સવારે સાથે ગાર્ડનમાં ચાલવા જાય, બન્ને વીસ વર્ષથી પાડોશી અને આ તેવોનો નિત્ય ક્રમ,સવારના છ વાગે ઉષા ઉમાના ઘેર પહોંચી જાય ઉમા દરવાજે ઊભી જ હોય બન્ને બહેનપણીઓ ચાલવા લાગે. ઉષા ગંભીર સ્વભાવની તેનું ધ્યાન નીચે જોઈ ચાલવામાં,આજુબાજુ કોણ ચાલે છે તે જોવાનું નહી એકસરખું ચાલ્યા કરે.

ઉમા હસમુખી જે સામા મળે બધાની સામે હશે,હાથ લાંબો કરે હસ્તધનુન કરે, ગુડમોર્નિંગ બોલે.
આજે ઉષા ઉમાના દરવાજે આવી ઉમા આજે ઉદાસ, રડમસ ચહેરે ઉભેલી, ઉષાની સાથે કંઇ પણ બોલ્યા વગર ચાલવા લાગી, ઉષાએ પુછ્યું અરે ઉમા આજે શું થયું છે? આવો ઉદાસ ચહેરો વીસ વર્ષમાં પહેલી વખત જોઉ છું!! ઉમા બોલી કશું થયું નથી આજે સવારથી જરા માથું દુઃખે છે, ઉષા એકદમ સિર્યશ થઈ ગઈ બોલી ઉમા ચાલ પાછા જઈએ તડકો થશે તેમ માથું વધારે દુઃખશે, ના પાછા જવાની જરૂર નથી ખુલ્લી હવામાં ચાલવાથી મારો  દુખાવો મટી જશે બોલી ચાલવાનું શરુ કર્યું.ઉષા ચાલવા લાગી
ઉષાએ આજે ચાલતા ચાલતા ઉમા તરફ જોયા કર્યું, ઉમાનો ચહેરો એકદમ ઉદાસ અને આંખના ખૂણે આંસુ ટપકતા જોયા, ઉષાએ ઉમાનો હાથ પકડી ગાર્ડનના બાંકડા પર બેસાડી, પોતે પણ બેઠી ઉમાએ ઉષાના ખભે માથું મુક્યું  કે તુર્ત અશ્રુધારા વહેવા  લાગી, ઉષાએ તેને રડવા દીધી તેનો ખભો બરડો પ્રસરાવતી રહી,
ઉમા રડતી બંધ થઈ, ઉષાએ હસતા હસતા ઉમાને પુછ્યું શું કારણ? આજ મારી પ્રિય સખી આટલું બધું રડી જાણે વીસ વર્ષના આંસુ ઠાલવી દીધા!!આવી ઉષાની રમુજ સાંભળી ઉમા હસી બોલી સાચી વાત ઉષા આજે વીસ વર્ષના લગ્ન જીવન પછી સમીરને છુટાછેડા જોઇએ છે!!
ઉષાઃ શું વાત કરે છે? એવું તે શું બન્યું?
ઉમાઃ આજે બાથરૂમનો દરવાજો બંધ કરતા જરા ભટકાય ગયો અને તેની ઉંઘ બગડી, અને મારા પર ગુસ્સે થઈ ગયા તને તો ભાન જ નથી, ઉંઘ બગાડવાની, નહાવવાની શું ઉતાવળ? બહુ ચોખી થવા જાય છે,ઉષા તને તો ખબર છે, હું ઘરની બહાર દીવો કર્યા વગર નથી નીકળતી,આ મારો રોજનો નિયમ છે. આજે પહેલી વખત  આમ થયું અને મને ખૂબ સંભળાવ્યું.
ઉષાઃઅરે ઉમા સમીરભાઈ ગુસ્સામાં બોલી જાય પણ કંઇ કરે નહી, મને ખબર છે મારી સામે ઘણી વાર જ્યારે તારી રસોઈ માટે તારા પર ગુસ્સે થઈ જતા ત્યારે હું કહેતી સમીરભાઈ ઉમાનું રીંગણ બટાકાનું ભરેલું શાક, અને કઢી મને અને મારા હસબંડને બહુ જ ભાવે છે, સમીરભાઈ બોલતા ઉષા તું તો તારી બેનપણીના વખાણ જ કરે ને, અને આપણે બન્ને હસતા, અને સમીરભાઈ ગુસ્સો ભૂલી આપણી સાથે હસવા લાગતા.
ઉમા તું ચિંતા નહી કર, તું જે કરતી હોય તે કર્યા કર,સમીરભાઈ એક દિવસમાં શાંત થઈ જશે.ચાલ હવે ખુલ્લી હવામાં ચાલીએ. બન્ને બહેનપણીઓ આનંદથી ચાલવા લાગી.
ડો. ઈન્દુબહેન શાહ.
http://www.indushah.wordpress.com

અનેરો આનંદ (વાર્તા)

આજે સુનંદા બેનનું હૈયુ હર્ષે છલકાતું હતું , હોય જ ને આજે દસ વર્ષ બાદ તેમના ઘેર આનંદ ઉલ્લાસનો પ્રસંગ ઉજવાતો હતો, તેમની દીકરી નિલીમાની પ્રથમ પ્રસુતી સુનંદાબેનના ઘેર થઈ હતી, તેમનો દોહિત્ર નિલય દસ વર્ષનો થયો. તેમના દિકરાના લગ્નને છ વર્ષ વિત્યા દિકરો સુમન અને વહુ સુહાસિની બન્ને પોતાની કેરિયરમાં ખૂબ
સુંદર પ્રગતી કરી રહ્યા હતા, સુમન કોમર્સની એમ કોમની ડીગ્રી મેળવી,કોલેજમાં લેકચર આપતો અને પાર્ટ ટાયમ લો કોલેજ અટેન્ડ કરતો તેને લોયર થવાની અભિલાસા હતી. સુહાસિની અંગ્રેજી વિષય સાથે બી.એની ડીગ્રી મેળવી હાઇસ્કુલમાં શિક્ષીકા હતી. તેના મનમાં એમ. એ; પી.એચ.ડી થઈને કોલેજમાં પ્રોફેસર થવાની તિવ્ર ઈચ્છા હતી.
દિકરો-વહુ બન્નેએ પોતાની અભિલાસા પૂર્ણ કરી ડીગ્રી મેળવી, સુમનને જાણીતી લો ફર્મમા સહાયક લોયરની નોકરી મળી ગઈ, અને સુહાસિની સગર્ભા થઈ, સુહાસિનીએ પતિ સુમન અને સાસુની સમજાવટથી પી એચ ડી થવાનું મુલ્તવી રાખ્યું, છઠ્ઠે મહિને નિલીમાએ રિવાજ મુજબ ભાભીને રાખડી બાંધી,પિયરમાં આવનાર વારસદારની અને ભાભીની રક્ષા એજ આસય.

આજે સાતમે મહિને સુનંદાબેને હોંશના રાંદલ તેડ્યા, દિકરા-વહુએ માતાજીની પૂજા અર્ચના કરી, વડીલોને પગે લાગ્યા આશીર્વાદ લીધા,સુનંદાબેનને હર્ષ સાથે થોડું દુઃખ હતું આજે તેમના લોયર પતિ અમુલખભાઈ જેઓ અમદાવાદ શહેરના જાણીતા લોયર હતા તેમનું ચાર વર્ષ થયા જીવલેણ હાર્ટ એટેક આવવાથી અવસાન થયેલ તેઓની ઈચ્છા દિકરાને લોયર કરવાની હતી , જે આજે લોયર થયેલ છે, તે જોવા તેઓ હાજર નથી.
સુહાસિનીના પિયરિયાએ વ્યવહારમાં નણંદને સુંદર બનારસી સેલુ આપ્યું , જમાઈને લોયરને શોભે તેવો પોશાક સફેદ શર્ટ બ્લુટાય, બ્લેક સુટ્નું કાપડ, સુનંદાબેનને સફેદ બ્લુ બોર્ડર પાલવની સાડી. નણંદે ખોળો ભર્યો, સગા-સબંધીએ હોંસે માતાજીના ગરબા ગાયા, નિલીમાએ અને સુહાસીનીના ભાભી રસીલાએ ચાર માતાનો પ્રખ્યાત ગરબો ઉપાડ્યો
“લાલ ઘોડેરે કોણ ચડે મા અંબાનો અવતાર
અંબા માવડીરે રણે ચડ્યા સજી સોળ સણગાર
રમજો જમજોરે ગોરણીઓ સૌ રમજો સારી રાત
રમા વહુએ રાંધી લાપસીરે ભોળી ભવાનીમા
ઉપર પાપડનો કટકોરે ભૉળી ભવાનીમા
એવો રમા વહુનો લટકોરે ભોળી ભવાનીમા”
આમ બઉચર, રાંદલ, ચામુંડા, કાળકા માતા ઘોડે ચડ્યા, સાથે કુટુંબની વહુ -દીકરીઓ ઘોડૉ ખુંદી રમ્યા,
આખા ઘરમાં આનંદનો માહોલ છવાયો.
ગરબા બાદ રાંદલમાની આરતી કરી,થાળ ધરાવ્યો,
સુહાસિનીએ સાત ગોયણીઓના પગ ધોયા, લાપસી મોમા મુકી.
સૌ સગા વ્હાલા લાપસી, દાળ, ભાત ,શાક પાપડનું સ્વાદિસ્ટ જમણ જમી છુટા પડયા..
છેલ્લે સુનંદાબેન નિલીમા જમવા બેઠા, નિલીમાએ મમ્મીના ચહેરા પર ઉદાસી જોય બોલી મમ્મી, જમો મને,
ભાઈ – ભાભીને આજે પપ્પાની ગેરહાજરીનું દુ;ખ છે, ભાઈ પુજા રૂમમાં પપ્પાના ફોટા સામે માતાજીનો પ્રસાદ મુકી, પછી જમ્યા, મમ્મી, પપ્પાએ જ્યાં હશે ત્યાંથી આજના પ્રસંગનો આનંદ માણ્યો જ હશે.આપણે સૌએ આનંદથી જમવાનું છે.ઘરના સૌ સાથે બેસી જમ્યા. બીજે દિવસે સુહાસિની રસિકભાઈ-ભાભી સાથે તેના પિયર જવા તૈયાર થઈ નિલીમાએ ખોળામાં ભરેલ ચોખા રસીલાને આપ્યા જે બાળકના જન્મ પછી છઠા દિવસે રાંધવાના હોય છે.
સુહાસિની નિયમીત પ્રિનેટલ વિટામિન્સ જમ્યા પછી લેતી હતી, ઑ-બી, જિવાયેન ડૉ દોશી ને દર ૧૫ દિવસે બતાવવા જતી, આઠમે મહિને સોનોગ્રાફ કર્યો બાળકનો વિકાસ જાણવા,બાળક ખૂબ તંદુરસ્ત વજન સરેરાસ ૭થી ૮ પાઉંડ, બાળકની જાતી પણ જાણી શકાય, જે સુહાસિની અને સુમનને નહોતી જાણવી.
૯ મહીના પુરા થયા, સૌની આતુરતાનો અંત શ્રાવણ મહિનાની ચૌદસની રાત્રે સુહાસિનીને પ્રસુતી પીડા શરુ થઈ રસિલાભાભીએ ડો દોશીના દવાખાને ફોન કર્યો, નર્સે સાથે વાત કરી, નર્સે પુછ્યું દુઃખવા સાથે પાણી પડે છે?
રસિલા ભાભીઃ”હા પાણી પડૅ છે,અને પેડુમાં સખત દુઃખે છે.
નર્સઃ સારું લઈ આવો રસિલા અને રસિક ટેક્ષી કરી સુહાસિનીને દવાખાને લઈ ગયા, રસિકે ફોન કરી સુનંદાબેન અને સુમનને જણાવ્યું, બન્ને ગાડીમાં નીકળ્યા કલાકમાં દવાખાને પહોંચ્યા, રસિલા લેબર રૂમમાં સુહાસિની સાથે હતી રસિક વેટિંગરૂમમાં બેઠો હતો.
પરોઢીયે પાચ વાગે નર્સ બહાર આવી બોલી વધાઈ હો સુમનભાઈ સુહાસિનીને આપકો આજ પૂર્ણિમાકે દિન બેટા દીયા હૈ. સુમને તુરત સો રૂપિયાની વધામણી નર્સને આપી.
સુનંદાબેન ખૂબ ખુશ થયા બોલ્યા ‘સુમન તારા પપ્પાનો જન્મ દિવસ શ્રાવણી પૂનમ હતો, આપણે અંગ્રેજી તારીખ
પ્રમાણે ઓગષ્ટ મહિનાની સોળ તારીખે ઉજવતા હતા’
સુમનઃ-મમ્મી પપ્પા લોયર દિકરાને જોવા તેના ઘેર આવ્યા.
સુહાસિની ત્રીજે દિવસે ઘેર આવી. છઠ્ઠીને દિવસે નિલીમા ભત્રીજાને રમાડવા આવી. સુનંદાબેને મીઠો ભાત બનાવ્યો,નજીકના સગાને આમંત્રીત કર્યા, નિલીમાએ ભત્રીજાનું નામ પાડ્યું અનંત.

સુનંદાબેને સગા સબંધીની સાથે

સાલોક્ય મુક્તિ (કાવ્ય)

કરું હું નિત્ય પૂજા તુજ રૂપની
તુજ સમીપ બેસી તુજ
સામીપ્ય રહું માણતી
મીરા પામી તુજ સાયુજ્ય
પામવા તુજ તાદ્તમ્ય
સગુણ સાકાર તુજ
ઉપાસના કરતી નિત્ય
સાલોક્ય મુક્તિ મળશે
વિશ્વાસ અતૂટ તુજ પર
છે મુજને

અનાથ છોકરી વાર્તા

સલોની થાકેલી સવારના આઠ વાગ્યા આંખ ઊઘડી પરંતુ ઊઠી ન શકી.ટન…..ડોર બેલ સંભળાય તુરત ઊભી થઈ, બારણું ખોલ્યું, જોયું એક નાની છોકરી ઉમર છ-સાત વર્ષ રડમસ છેહરે સામે ઊભેલી, તેના ગળામાં એક દોરી સાથે ચીઠ્ઠીનો નેક લેસ જોયો, વિચારમાં પડી આ કોણ હશે? ચહેરો જોયો માનસપટ પર પરિચીત બાળકી યાદ આવી નામ યાદ નહી આવ્યું. તુરત અંદર લીધી,સોફા પર બેસાડી છોકરી સોફા પર બેસતા જ અવાજ કાઢ્યા વગર રડવા લાગી, સલોનીએ નેકલેસની ચીઠી વાંચી, ‘સલોની, હું આવું નહી ત્યાં સુધી આને સંભાળજે.
તારો સલીલ.’
સલોનીને છોકરીનું નામ યાદ આવ્યું આસી,આસીના માતા-પિતા અને મારા માતા-પિતા પાડોસી, આસીના મમ્મીને પ્રસુતી પિડા ઊપડી કે તુરત મારી મમ્મીને ફોન કર્યો, ‘સુમી આન્ટી મને પેઢુમાં દુ;ખાવો થાય છે અને કમ્મરમાં પણ થોડું દુ;ખે છે,’
મમ્મીએ પુછ્યું પાણી પડે છે?
‘હા આન્ટી બાથરૂમ ગઈ તૈયારે થોડું લોહી સાથે પાણી પડેલ’
મારા મમ્મીએ તેને કહ્યું સારું તું અત્યારે આરામ કર ઘરનું કોઈ કામ કરીશ નહી, હું હમણાજ તારે ઘેર આવું છું, મારી મમ્મીએ મને કહ્યું ‘સલોની હું અનન્યાની સાથે હોસ્પિટલ જાઉ છું, તું અને તારા પપ્પા જમી લેજો મારી રાહ નહી જોતા,મને આવતા મોડું થાય અને કદાચ રાત રોકાવું પણ પડે સલીલ બહારગામ છે’ સુચના આપી મમ્મી ગાડીમાં પહોંચી અનન્યાના ઘેર, અનન્યાએ બારણું ખોલ્યું મારી મમ્મીએ તેને સુવડાવી તેના ક્લોસેટમાં ગઈ એક જોડી કપડા લીધા, અનન્યાના હાથ પકડી ઊભી કરીને ગાડીમાં પાછલી સીટ પર સુવડાવી બારણું વાસ્યું લોક કર્યું, મેમોરિયલ મેટર્નિટી પાર્કીંગમાં ગાડી પાર્ક કરી, ઇમર્જ્ન્સીમાં ફોન કર્યો તુર્ત સ્ટ્રેચર સાથે નર્સ તથા વોર્ડ બોય આવ્યા, મારી મમ્મીએ અને નર્સે જાળવીને અનન્યાને સ્ટ્રૅચર પર સુવડાવી તેને લેબર રૂમમાં લઈ ગયા, નર્સે તપાસી અનન્યાના કપડા લોહીથી ખરડાયેલા જોયા,કપડા કાઢી હોસ્પિટલની બ્લુ જોની પહેરાવી ઓ બી-જીવાય ડો પટેલને જાણ કરી રાખેલ. ડો આવ્યા તપાસ કરી આઠ મહીનાની પ્રેગનન્સી, બાળકનું માથું ઉપર, સોનાગ્રાફી કરી જાણ્યું આ બધું કરતા ૧૫ થી ૨૦ મિનીટ થઈ હશે ત્યાં સુધીમાં ઓપરેસન રૂમ તૈયાર થઈ ગયો, અનન્યાની સહી લીધી, મારી મમ્મીને જાણ કરી, મમ્મીએ સલીલને ફોન કર્યો. ઈમરજન્સી સિઝેરીયન થયું, દીકરીનો જન્મ થયો. એનેસ્થેસિયોલોજીસ્ટે અનન્યાનું બ્લડ ટાઈપ એન્ડ ક્રોસમેચ કરવા મોકલી આપેલ, કમનસીબે અનન્યાનું ગ્રુપ એબી નેગેટીવ હોવાથી બ્લડ મળ્યું નહીં. બીજી કોઇ બલ્ડ બેન્ક માં પણ નહી હોવાથી અનન્યાને બચાવી ન શક્યા અનન્યા પ્રભુને પ્યારી થઈ ગઈ.
સલીલ આવ્યો અનન્યાના પાર્થિવ દેહને વળગી રડવા લાગ્યો, “અનુ મારી પ્યારી અનુ મને છોડીને કેમ જતી રહી હું તારા વગર નહી જીવી શકુ, મારી મમ્મીએ તેના માથા ખભા પર હાથ પ્રસરાવ્યો તેને શાંત કર્યો “સલીલ તું ઢીલો થઈશ તો તારી દીકરીનું શું થશે તારે જ દીકરીને મોટી કરવાની છે તેના માટે તારે જીવવાનું છે,બોલી સલીલને બેબી નર્સરીમાં લઈ ગઈ કાચમાં થી બેબીને જોઈ નર્સને જણાવ્યું બેબીના ડૅડી છે, નર્સ બેબીને બહાર લાવી સલીલના હાથમાં આપી ‘જુઓ સલીલભાઈ તમારી દીકરી કેટલી સુંદર છે આઠમે મહિને આવી છે છતા ખૂબ તંદુરસ્ત છે ૮પાઉંડ વજન છે.’ સલીલ દીકરીને જોઈ ખુશ થયો સુમી આન્ટી એકદમ મારી અનન્યાના જેવી જ છે, હું એને સાચવીશ મારી અનન્યાની નિસાની.બેબીનું નામ તેણે આસી રાખ્યું,

1. અનન્યાના પાર્થિવ દેહને મોર્ગમાં મુક્યો ૪૮ કલાક પછી અગ્ની સંસ્કાર થયા ત્યાં સુધી બેબીને મારી મમ્મીએ સંભાળી દર બે કલાકે  બોટલથી ગાયનું દુધ પીવડાવે ડાયપર બદલે. હું આ બધુ જોતી,સલીલને જોયો ત્યારથી હું  તેના તરફ આકર્શાયેલ, સલીલ બેબીને લઈ ગયો અને તેના બેન્ક મેનેજરને બધી વિગત જણાવી, મેનેજર સમજુ હતો તેણે સલીલને હ્યુસ્ટનની બેન્કમાં સ્થાયી જોબ આપ્યો, સલીલ સવારના આઠથી ચાર જોબ કરે ત્યારે આસીને પ્રાયવેટ ડે કેરમાં મુકે. આમ આસી મોટી થતી ગઈ,અવાર નવાર ડે કેરમા આસી બિમાર થતી ત્યારે સલીલ બેબીને અમારે ત્યાં મુકી જતો આમ આસી ૫ વર્ષની થઈ, કિન્નર ગાર્ડનમાં મુકી,
   સલીલ આસીને સવારના ૭ઃ૩૦ વાગે પ્રી સ્કૂલમાં મુકે સાંજે ત્રણથી ચાર આસી પોસ્ટ સ્કૂલમાં રહે
   અમેરિકામાં વર્કીંંગ પેરન્ટસ માટે આ સગવડતા.
   બેન્કના બીજા કર્મચારીઑને સલીલની ઇર્શા થઈ તેઓએ સલીલને સંડોવ્યો તેના પર બેન્કમાંથી એક લાખ ડૉલરનો ગોટાળો કર્યાનો આરોપ મુક્યો, સલીલની ધરપકડ થઈ, સલીલ જેલરની રજા લઈ આસીને સ્કૂલથી લીધી ગળામાં આપણે ઉપર જોયું તેવું લખાણ લખેલ નેકલેસ પહેરાવ્યો આસીને અમારે દરવાજે મુકી, આસીએ પુછ્યું ડેડી આપણે આન્ટીના ઘેર જવાનું છે? બેટા તારે થોડા દિવસ આન્ટી સાથે રહેવાનું છે,
   ડેડી તમે ક્યાં જાવ છો?
   મારે બહારગામ જવાનું છે.
   ક્યારે પાછા આવશો?
   થોડા દિવસમાં આવી જઈશ,
   આમ આસી રડતા ચહેરે આવી સલોનીએ તેને તેડી સોફા પર સુવડાવી આસી સોફા પર અવાજ વગર  રડતા રડતા સુઈ ગઈ.
   મમ્મી જાગી ગઈ પુછ્યું સલોની અત્યારમાં કોણ હતું?
   મમ્મી સલીલ બેલ વગાડી આસીને દરવાજે મુકી વાત કર્યા વગર જતો રહ્યો,આસી સોફા પર સુતી છે.
   હું આપણા બન્ને માટે ચા મુકું છું. અમે બન્ને એ ચા સાથે ખાખરા- ભાખરી બ્રેક્ફાસ્ટ કર્યો. આસી માટે દુધ ગરમ કર્યું. આસી ઉંઘમાં બોલતી હતી ડેડી મારી મમ્મી મને મુકી ભગવાનન ઘેર જતી રહી , ડૅડી તમે પણ મને મુકી જતા રહ્યા હું અનાથ … આ સાંભળી હું તેની પાસે બેઠી તેનું માથુ ખોળામાં લીધુ માથા-વાસા પર હાથ પ્રસરાવતા બોલી આસી બેટા તું અનાથ નથી, હું તારી મમ્મી છું. ઊઠ બેટા સવાર પડી, આસી સાંભળતા જ બેઠી થઈ મારા ગળે બેઊ હાથ પરોવી બોલી સાચું હું તમને મમ્મી કહું? હા કહે મને ગમશે.
   હવે બ્રસ કરવા ચાલો મે તેને બ્રસ કરાવ્યું, રસોડાના ડાયનીંગ ટેબલ પર બેસાડી સિરીયલ -દુધ આપ્યા
   આસી ચીરિયો ભાવશે? હા મમ્મી આજે મને બધું ભાવશે મારી મમ્મી મળી છે.
   આસીને મમ્મી ટી વી જોવા બેઠા.
   મે સલીલને ફોન કર્યો.
   જેલરે સલીલને ફોન આપ્યો, સલીલ પાસેથી બધી હકીકત જાણી
   મે સલીલને કહ્યું તું ચિતા નહી કર મારા અંકલ ક્રિમીનલ લોયર છે. હું તેમનો કોન્ટેક કરી તેમનો ફોન નંબર તને આપું છું
   પુછ્યું આસી શું કરે છે?
   સલીલ આસી મઝામાં છે, અત્યારે બ્રેકફાસ્ટ કરી મમ્મી સાથે ટી વી જોય રહી છે.
   તારે વાત કરવી છે? ના મારો સમય પુરો થયો મુકુ છું આવજે.
   આવજે.
   સલોનીએ કાકાની ઓફિસે ફોન જોડ્યો
   સેક્રેટરીએ ફોન ઊપાડ્યો
   Patel and associate who is this?
   I am his niece can I speak with my Uncle?
   hold on I will connect you,
   હલો કાકા હું સલોની, મારા મિત્ર સલીલ પર બેન્ક્માંથી ૧૦૦ થાઉસંડ ડોલરનો ગોટાળો કર્યાનો ખોટો આરોપ મુકાયો છે તમે તેને મદદ કરશો?
   જરૂર કરીશ.
   સલોનીએ આવજો કરી ફોન મુક્યો.
   સલીલને કાકાનો નંબર આપ્યો.
   સલીલે કાકા સાથે વિગતવાર વાત કરી. કાકાએ ધરપત આપી સલીલ આવા કેશ અમારી પાસે આવતા જ હોય છે. તું ચિંતા નહી કર,સલીલે બેન્ક સામે કેશ લડવાની જાહેરાત કરી.કોર્ટમાં કેશ ચાલ્યો,બેન્કની પાસે ચોરીના કોઇ પુરાવા ન હતા.
   ચુકાદો આવ્યો સલીલ નિર્દોષ જાહેર થયો.
   સલોની સલીલ સાથે ઘેર આવી, આસી ખૂબ ખુશ થઈ બોલી મને મમ્મી અને ડૅડી બન્ને મળી ગયા.હવે આપણે બધા સાથે રહીશું,
   સલોની અને સલીલ બન્ને બોલ્યા”હા બેટા આપણે સાથે જ રહીશું”
   સલીલનું ઘર સેલ પર મુક્યું, સલોની અને સલીલે થોડા નજીકના સગા અને મિત્રોની હાજરીમાં રજીસ્ટર મેરેજ કર્યા, મમ્મીએ સહુને જમાડયા.
   સલીલે બે -ત્રણ બેન્કમાં અરજી કરેલ,  કોર્ટના ચુકાદાના પેપર સાથે ઈન્ટરવ્યું આપ્યા. બે મહીનામાં
   એક નાની કોપરેટીવ બેન્કમાં નોકરી મળી ગઈ.

 

અનાથ છોકરી

          સલોની થાકેલી સવારના આઠ વાગ્યા આંખ ઊઘડી પરંતુ ઊઠી ન શકી.ટન…..ડોર બેલ સંભળાય તુરત ઊભી થઈ, બારણું ખોલ્યું, જોયું એક નાની છોકરી ઉમર છ-સાત વર્ષ રડમસ છેહરે સામે ઊભેલી, તેના ગળામાં એક દોરી સાથે ચીઠ્ઠીનો નેક લેસ જોયો, વિચારમાં પડી આ કોણ હશે? ચહેરો જોયો માનસપટ પર પરિચીત બાળકી યાદ આવી નામ યાદ નહી આવ્યું. તુરત અંદર લીધી,સોફા પર બેસાડી છોકરી સોફા પર બેસતા જ અવાજ કાઢ્યા વગર રડવા લાગી, સલોનીએ નેકલેસની ચીઠી વાંચી, ‘સલોની, હું આવું નહી ત્યાં સુધી આને સંભાળજે.
તારો સલીલ.’
સલોનીને છોકરીનું નામ યાદ આવ્યું આસી,આસીના માતા-પિતા અને મારા માતા-પિતા પાડોસી, આસીના મમ્મીને પ્રસુતી પિડા ઊપડી કે તુરત મારી મમ્મીને ફોન કર્યો, ‘સુમી આન્ટી મને પેઢુમાં દુ;ખાવો થાય છે અને કમ્મરમાં પણ થોડું દુ;ખે છે,’
મમ્મીએ પુછ્યું પાણી પડે છે? 
‘હા આન્ટી બાથરૂમ ગઈ તૈયારે થોડું લોહી સાથે પાણી પડેલ’
મારા મમ્મીએ તેને કહ્યું સારું તું અત્યારે આરામ કર ઘરનું કોઈ કામ કરીશ નહી, હું હમણાજ તારે ઘેર આવું છું, મારી મમ્મીએ મને કહ્યું ‘સલોની હું અનન્યાની સાથે હોસ્પિટલ જાઉ છું, તું અને તારા પપ્પા જમી લેજો મારી રાહ નહી જોતા,મને આવતા મોડું થાય અને કદાચ રાત રોકાવું પણ પડે સલીલ બહારગામ છે’ સુચના આપી મમ્મી ગાડીમાં પહોંચી અનન્યાના ઘેર, અનન્યાએ બારણું ખોલ્યું મારી મમ્મીએ તેને સુવડાવી તેના ક્લોસેટમાં ગઈ એક જોડી કપડા લીધા, અનન્યાના હાથ પકડી ઊભી કરીને ગાડીમાં પાછલી સીટ પર સુવડાવી બારણું વાસ્યું લોક કર્યું, મેમોરિયલ મેટર્નિટી પાર્કીંગમાં ગાડી પાર્ક કરી, ઇમર્જ્ન્સીમાં ફોન કર્યો તુર્ત સ્ટ્રેચર સાથે નર્સ તથા વોર્ડ બોય આવ્યા, મારી મમ્મીએ અને નર્સે જાળવીને અનન્યાને સ્ટ્રૅચર પર સુવડાવી તેને લેબર રૂમમાં લઈ ગયા, નર્સે તપાસી અનન્યાના કપડા લોહીથી ખરડાયેલા જોયા,કપડા કાઢી હોસ્પિટલની બ્લુ જોની પહેરાવી ઓ બી-જીવાય ડો પટેલને જાણ કરી રાખેલ. ડો આવ્યા તપાસ કરી આઠ મહીનાની પ્રેગનન્સી, બાળકનું માથું ઉપર, સોનાગ્રાફી કરી જાણ્યું આ બધું કરતા ૧૫ થી ૨૦ મિનીટ થઈ હશે ત્યાં સુધીમાં ઓપરેસન રૂમ તૈયાર થઈ ગયો, અનન્યાની સહી લીધી, મારી મમ્મીને જાણ કરી, મમ્મીએ સલીલને ફોન કર્યો. ઈમરજન્સી સિઝેરીયન થયું, દીકરીનો જન્મ થયો. એનેસ્થેસિયોલોજીસ્ટે અનન્યાનું બ્લડ ટાઈપ એન્ડ ક્રોસમેચ કરવા મોકલી આપેલ, કમનસીબે અનન્યાનું ગ્રુપ એબી નેગેટીવ હોવાથી બ્લડ મળ્યું નહીં. બીજી કોઇ બલ્ડ બેન્ક માં પણ નહી હોવાથી અનન્યાને બચાવી ન શક્યા અનન્યા પ્રભુને પ્યારી થઈ ગઈ.
સલીલ આવ્યો અનન્યાના પાર્થિવ દેહને વળગી રડવા લાગ્યો, “અનુ મારી પ્યારી અનુ મને છોડીને કેમ જતી રહી હું તારા વગર નહી જીવી શકુ, મારી મમ્મીએ તેના માથા ખભા પર હાથ પ્રસરાવ્યો તેને શાંત કર્યો “સલીલ તું ઢીલો થઈશ તો તારી દીકરીનું શું થશે તારે જ દીકરીને મોટી કરવાની છે તેના માટે તારે જીવવાનું છે,બોલી સલીલને બેબી નર્સરીમાં લઈ ગઈ કાચમાં થી બેબીને જોઈ નર્સને જણાવ્યું બેબીના ડૅડી છે, નર્સ બેબીને બહાર લાવી સલીલના હાથમાં આપી ‘જુઓ સલીલભાઈ તમારી દીકરી કેટલી સુંદર છે આઠમે મહિને આવી છે છતા ખૂબ તંદુરસ્ત છે ૮પાઉંડ વજન છે.’ સલીલ દીકરીને જોઈ ખુશ થયો સુમી આન્ટી એકદમ મારી અનન્યાના જેવી જ છે, હું એને સાચવીશ મારી અનન્યાની નિસાની.બેબીનું નામ તેણે આસી રાખ્યું, 

અનન્યાના પાર્થિવ દેહને મોર્ગમાં મુક્યો ૪૮ કલાક પછી અગ્ની સંસ્કાર થયા ત્યાં સુધી બેબીને મારી મમ્મીએ સંભાળી દર બે કલાકે  બોટલથી ગાયનું દુધ પીવડાવે ડાયપર બદલે. હું આ બધુ જોતી,સલીલને જોયો ત્યારથી હું  તેના તરફ આકર્શાયેલ, સલીલ બેબીને લઈ ગયો અને તેના બેન્ક મેનેજરને બધી વિગત જણાવી, મેનેજર સમજુ હતો તેણે સલીલને હ્યુસ્ટનની બેન્કમાં સ્થાયી જોબ આપ્યો, સલીલ સવારના આઠથી ચાર જોબ કરે ત્યારે આસીને પ્રાયવેટ ડે કેરમાં મુકે. આમ આસી મોટી થતી ગઈ,અવાર નવાર ડે કેરમા આસી બિમાર થતી ત્યારે સલીલ બેબીને અમારે ત્યાં મુકી જતો આમ આસી ૫ વર્ષની થઈ, કિન્નર ગાર્ડનમાં મુકી, 
સલીલ આસીને સવારના ૭ઃ૩૦ વાગે પ્રી સ્કૂલમાં મુકે સાંજે ત્રણથી ચાર આસી પોસ્ટ સ્કૂલમાં રહે
અમેરિકામાં વર્કીં પેરન્ટસ માટે આ સગવડતા.
બેન્કના બીજા કર્મચારીઑને સલીલની ઇર્શા થઈ તેઓએ સલીલને સંડોવ્યો તેના પર બેન્કમાંથી એક લાખ ડૉલરનો ગોટાળો કર્યાનો આરોપ મુક્યો, સલીલની ધરપકડ થઈ, સલીલ જેલરની રજા લઈ આસીને સ્કૂલથી લીધી ગળામાં આપણે ઉપર જોયું તેવું લખાણ લખેલ નેકલેસ પહેરાવ્યો આસીને અમારે દરવાજે મુકી, આસીએ પુછ્યું ડેડી આપણે આન્ટીના ઘેર જવાનું છે? બેટા તારે થોડા દિવસ આન્ટી સાથે રહેવાનું છે, 
ડેડી તમે ક્યાં જાવ છો?
મારે બહારગામ જવાનું છે. 
ક્યારે પાછા આવશો?
થોડા દિવસમાં આવી જઈશ
આમ આસી રડતા ચહેરે આવી સલોનીએ તેને તેડી સોફા પર સુવડાવી આસી સોફા પર અવાજ વગર  રડતા રડતા સુઈ ગઈ.
મમ્મી જાગી ગઈ પુછ્યું સલોની અત્યારમાં કોણ હતું?
મમ્મી સલીલ બેલ વગાડી આસીને દરવાજે મુકી વાત કર્યા વગર જતો રહ્યો,આસી સોફા પર સુતી છે.
હું આપણા બન્ને માટે ચા મુકું છું. અમે બન્ને એ ચા સાથે ખાખરા- ભાખરી બ્રેક્ફાસ્ટ કર્યો. આસી માટે દુધ ગરમ કર્યું. આસી ઉંઘમાં બોલતી હતી ડેડી મારી મમ્મી મને મુકી ભગવાનન ઘેર જતી રહી , ડૅડી તમે પણ મને મુકી જતા રહ્યા હું અનાથ … આ સાંભળી હું તેની પાસે બેઠી તેનું માથુ ખોળામાં લીધુ માથા-વાસા પર હાથ પ્રસરાવતા બોલી આસી બેટા તું અનાથ નથી, હું તારી મમ્મી છું. ઊઠ બેટા સવાર પડી, આસી સાંભળતા જ બેઠી થઈ મારા ગળે બેઊ હાથ પરોવી બોલી સાચું હું તમને મમ્મી કહું? હા કહે મને ગમશે.
હવે બ્રસ કરવા ચાલો મે તેને બ્રસ કરાવ્યું, રસોડાના ડાયનીંગ ટેબલ પર બેસાડી સિરીયલ -દુધ આપ્યા
આસી ચીરિયો ભાવશે? હા મમ્મી આજે મને બધું ભાવશે મારી મમ્મી મળી છે.
આસીને મમ્મી ટી વી જોવા બેઠા.
મે સલીલને ફોન કર્યો.
જેલરે સલીલને ફોન આપ્યો, સલીલ પાસેથી બધી હકીકત જાણી
મે સલીલને કહ્યું તું ચિતા નહી કર મારા અંકલ ક્રિમીનલ લોયર છે. હું તેમનો કોન્ટેક કરી તેમનો ફોન નંબર તને આપું છું 
પુછ્યું આસી શું કરે છે? 
સલીલ આસી મઝામાં છે, અત્યારે બ્રેકફાસ્ટ કરી મમ્મી સાથે ટી વી જોય રહી છે.
તારે વાત કરવી છે? ના મારો સમય પુરો થયો મુકુ છું આવજે.
આવજે.
સલોનીએ કાકાની ઓફિસે ફોન જોડ્યો
સેક્રેટરીએ ફોન ઊપાડ્યો
Patel and associate who is this?
I am his niece can I speak with my Uncle?
hold on I will connect you,
હલો કાકા હું સલોની, મારા મિત્ર સલીલ પર બેન્ક્માંથી ૧૦૦ થાઉસંડ ડોલરનો ગોટાળો કર્યાનો ખોટો આરોપ મુકાયો છે તમે તેને મદદ કરશો?
જરૂર કરીશ.
સલોનીએ આવજો કરી ફોન મુક્યો.
સલીલને કાકાનો નંબર આપ્યો.
સલીલે કાકા સાથે વિગતવાર વાત કરી. કાકાએ ધરપત આપી સલીલ આવા કેશ અમારી પાસે આવતા જ હોય છે. તું ચિંતા નહી કર,
સલીલે બેન્કે સામે કેશ લડવાની જાહેરાત કરી. 
કોર્ટમાં કેશ ચાલ્યો,બેન્કની પાસે ચોરીના કોઇ પુરાવા ન હતા.
ચુકાદો આવ્યો સલીલ નિર્દોષ જાહેર થયો.
સલોની સલીલ સાથે ઘેર આવી, આસી ખૂબ ખુશ થઈ બોલી મને મમ્મી અને ડૅડી બન્ને મળી ગયા.હવે આપણે બધા સાથે રહીશું,
સલોની અને સલીલ બન્ને બોલ્યા”હા બેટા આપણે સાથે જ રહીશું” 
સલીલનું ઘર સેલ પર મુક્યું, સલોની અને સલીલે થોડા નજીકના સગા અને મિત્રોની હાજરીમાં રજીસ્ટર મેરેજ કર્યા, મમ્મીએ સહુને જમાડયા.
સલીલે બે -ત્રણ બેન્કમાં અરજી કરેલ,  કોર્ટના ચુકાદાના પેપર સાથે ઈન્ટરવ્યું આપ્યા. બે મહીનામાં
એક નાની કોપરેટીવ બેન્કમાં નોકરી મળી ગઈ.

 

  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

      

    .

 

 

          

 .

અકળામણ (વાર્તા)

આજે અચાનક આયશા અનન્યાને ઘેર આવી, બન્ને શાળા કોલેજમાં સાથે ભણેલા. બન્નેના લગ્ન થયા. પરણીને આયશા મુંબઈ ગઈ અનન્યા અમદાવાદમાં પોતાના પતિની સાથે ગવર્મેંન્ટ ઓફિસમાં કાર્યરત થઈ.આયશાને જોતા જ અનન્યા આયશાને ભેટી, બોલી અરે આયશા! what a pleasant surprise તને આજે તારી મુંબઈની વ્યસ્ત જિંદગીમાંથી સમય કાઢી મને મળવા આવવાની ફુરસત મળી ખૂબ આનંદ થયો, યાર જરા ફોન કરી જણાવ્યું હોત તો હું તને લેવા આવત અને થોડા દિવસની રજા લેત આકાસ ઓફિસના કામે બેંગલોર ગયા છે તો આપણે બન્ને સખી એકલી ફરવા જાત.
આયશા તો ક્શું બોલ્યા વગર અનન્યાના ખભા પર માથું ઢાળી રડવા લાગી, અનન્યા તેણીનો વાસો પ્રસરાવતી રહી, મનમાં વિચારો અરે! આયશાને શું થઈ ગયું ! કેટલી હસતી દેખાવડી પોતાની જાતે અગાસને પસંદ કરેલ બન્નેના માતા-પિતાએ રાજી ખુશીથી બન્નેના લગ્ન કરેલ. થોડી વાર અનન્યાએ કંઇ પણ બોલ્યા વગર આયશાને રડવા દીધી જેથી તેનું હૈયું હળવું થાય, બસ આસ્વાસન શબ્દોથી નહી તેના બેઉ હાથ અને વાસો પુરતા હતા.
પંદર વીસ મિનીટ સુધી મૌન, પછી ધીરેથી અનન્યાએ આયશાને સોફા પર બેસાડી, પાણી આપ્યું, પુછ્યું આયશા શું થયું છે ?અગાસની સાથે જગડો? તારા સાસુ- સસરા સાથે જગડો?
શું કરું અનન્યા હું તો હવે અગાશની રોજ રોજની રોક-ટોકથી અકળાય ગઈ છું”
“અમારે ત્યાં રસોઇયો અને નોકર હતા પરંતુ આકોરોનામાં અમારી સોસાયટી કોઇ કામકરવાવાળાને દાખલ નથી કરતી, તેથી મારે રસોઇ કરવાની, અને ઘરનું કામ કરવાનું, મારા સાસુ જરા પણ મદદ ન કરે તેમણે તો કોઇ દિવસ પાણીનો પ્યાલો પણ પોતાની હાથે નથી લીધો નોકરને બુમ મારે બાબુ પાણી આપ, હવે બાબુ નથી મહારાજ નથી હું સવારે વહેલી ઊઠી ચા સાથે ગરમ નાસ્તો બનાવું મારા સસરા અને અગાસ ઓફિસે જાય,સાથે લંચ ના ડબ્બા ત્યાર કરી આપું. મને એનો કશો વાંધો નહીં પરંતુ અગાસ મને કામ કરતી હોય ને ટોકે જોજે શાકમાં મીઠું ઓછું નાખજે મમ્મી- પપ્પાને બી-.પી છે, સાંજે ઘેર આવે તો પાછી કચ-કચ આયશા મને સાવ મોળું ફક ખાવાનું ભાવતું નથી શાક સાવ સુકું તેલ -મરચા મીઠા વગરનું. હું મારા સસરાને પુછું પપ્પાજી તમને કેવું લાગ્યું? તેમનો જવાબ અમે તો જેવું આપો તે ચલાવી લઈએ પણ અગાસ જુવાન એને તો જરા મસાલેદાર જોઇએ.
હું કંટાળી જેવી ટ્રેન શરુ થઈ ટ્રાવેલ એજન્ટ્ને ફોન કર્યો ટીકિટ બુક કરી, મારા સાસુ-સસરાને પુછ્યું હું થોડા દિવસ અમદાવાદ જાઉ છું અનન્યાને મળવા ત્યાંથી નવસારી મારા ભાઈને મળવા પણ જઈશ તેમના બે ત્રણ ફોન આવી ગયા, ત્રણ વર્ષ થયા કોઇને મળવા ગઈ નથી. અગાસ બોલ્યા આયશા તારા ભાભી પાસે થોડી નવી વાનગી શીખતી આવજે, અને હા તારી બહેનપણી તો અમદાવાદની એને તો બહુ સરસ નવું નવું બનાવતા આવડે ફાફડા, જલેબી બધુ શીખજે , આ મહારાજનો કોઈ ભરોષો નહી પાછો ના પણ આવે!!
“જો અગાસ હું ત્યાં આરામ કરવા જાઉ છું, રસોય શીખવા નહી અને અનન્યા તેણે શું કહ્યું સાંભળ સારું તો ત્યાં કાયમ આરામ કરજે. અનન્યા આ પ્રેમ લગ્નનું પરિણામ!!અને પાછી રડવા લાગી.
“આયશા રડ નહી હું સમજું છું તારી અકળામણ તું અહી મારી સાથે રહે તારા ભાઈ -ભાભીને મળવા થોડા દિવસ જઈ આવજે, તારે અગાસને ફોન નહી કરવાનો જોઇએ કેટલા દિવસ એ તારા વગર રહી શકે છે.
જુન મહીનામાં કોરોનાનો ત્રીજુ વરિયન્ટ આવ્યું પાછું મુંબઈમાં લોક્ડાઉન શરુ થયું, બે મહિના થયા મહારાજ ઘાટીના ઠેકાણા નહોતા સૌ પોતાના વતન જતા રહેલ. અગાસ અને તેના મમ્મી-પપ્પા અકળાયા, રસોય અને કામથી.એક દિવસ અગાસનો ફોન આવ્યો આયશાએ ઉપાડ્યો નહી મેસેજમાં જવા દીધો.
બીજે દિવસે મેસેજ અનન્યાની સાથે સાંભળ્યો,
“આયશા અમારી ભૂલ થઈ છે, અમને માફ કરી દે , હું તને ઘરકામમાં મદદ કરીશ, મમ્મી તને રસોy કરવામાં મદદ કરશે મહેરબાની કર પાછી આવ.”
“અનન્યા શું જવાબ આપું ?
હજુ રાહ જો બીજો ફોન આવે ત્યારે હું ઉપાડીશ સ્પિકર પર મુકી જવાબ આપીશ.
બીજે દિવસે પાછો ફોન આવ્યો અનન્યાએ ઉપાડ્યો હલો અગાસ હું અનન્યા કેમ છે?
‘સારું છે આયશા ક્યાં છે? “
“આયશા આરામ કરે છે તેનો હજુ મુંબઈનો થાક ઉતર્યો નથી “
‘એક મહિનો થયો હજુ થાક!
“ત્યાં બે મહિના સુધી તમે લોકોએ તેની પાસે રસોયાનું અને નોકરનું બેઉ કામ કરાવ્યા તો બે મહિનાતો લાગે ને થાક ઉતરતા,”
“સારુ ઊઠે ત્યારે ફોન કરાવડાવજે મારે તેની માફી માગવી છે”
“ભલે તારો મેસેજ આપી દઈશ,આવજે તારા મમ્મી- પપ્પાને મારા પ્રણામ”
આયશાએ બધુ સાંભળ્યું.
થોડા દિવસ થયા આયશાએ ફોન કર્યો નહી, એક દિવસ અનન્યાના ઘરની ડોર બેલ રણકી, દરવાજો ખોલ્યો સામે અગાસ, “અરે અગાસ ભૂલા તો નથી પડ્યાને અચાનક મારે ઘેર!”
“અનન્યા હું તારે ઘેર જ આવ્યો છું આવકાર આપશે કે જાકારો ?
“અગાસ અતિથી દેવો ભવ એ સંસ્કાર હું ભૂલી નથી, આવ, “
“અનન્યા હું આજે આયશાને ખાસ લેવા આવ્યો છું,તારી હાજરીમાં તેની માફી માગીશ મને ખબર છે મારી આયશા ઉદાર દીલની છે મને જરૂર માફ કરશે.
અંદર આવતાની સાથે અગાસ આયશાના પગમાં પડ્યો “આયશા મને માફ કરી દે, હું તને હંમેશા દરેક કામમાં મદદ કરીશ, હું તને આપણે ઘેર લઈ જવા આવ્યો છું “
“અરે અગાસ આ શું કરે છે ?બન્ને ભેટ્યા આયશા બોલી તને માફ તો કરીશ પરંતુ ખાત્રી શું? મુંબઈ ગયા પછી તું પાછો તારા મમ્મી-પપ્પાનો આજ્ઞાકારી દીકરો નહી બને,”
“અનન્યાની સાક્ષીમાં કહું છું હું નહી ફરી જાઉ “
અનન્યાએ સાંભળ્યું ખૂબ ખુશ થઈ બોલી સાબાશ. આયશા આવી હિંમત રાખજે.”
ત્રણે જણાએ ચા નાસ્તો કર્યા. બે દિવસ પછી આકાસ બેંગલોર્થી આવી ગયા, ચારે જણા સાથે ફર્યા કોલેજના જુના મિત્રોને મળ્યા આનંદ કર્યો.રવિવારે ગુજરાતમેલમાં આયશા અને અગાસ મુંબઈ રવાના થયા. દાદર સ્ટેસન અગાસના પપ્પા તેમને લેવા આવ્યા, ટેક્ષીમાં ઘેર પહોંચ્યા,મમ્મ્મીએ દરવાજામાં બન્નેના ઓવારણા લઈને આવકાબર્યા , મમ્મીએ બટેટા પૌવાનો ગરમ નાસ્તો અને ચા તૈયાર રાખેલ સૌએ સાથે બેસી ચા-નાસ્તો કર્યા,
મમ્મીએ પુછ્યું આયશા મારા બટેટા પૌવા તને ભાવ્યા?
મમ્મી ખૂબ ભાવ્યા,
હવેથી અઠવાડીયાના ત્રણ દિવસ હું સવારના ચા-નાસ્તો બનાવીશ તારે ફક્ત બેઉના ડબ્બા તૈયાર કરવાના અને સાંજની રસોય કરવામાં તને રોજ મદદ કરીશ.
મમ્મી આપણે બન્ને સાથે મળીને બધુ કામ કરીશું.
અગાસ બોલ્યો આયશા હું શનિ-રવિ બધુ ઘરનું કામ તારી સાથે કરીશ.
આ બધું સાંભળી આયશાની અકળામણ ભાગી ગઈ.

.

,

હાઇકુ

     જીંદગી શરળ નથી
   હિમતથી કરીશ સામનો
       બની જશે મીઠી

પહેલો પ્રેમ (વાર્તા)

 

સુર્યના પ્રથમ કિરણ જેવો સપ્ત રંગી, તેજસ્વી, કોમળ, ઈશાનો પહેલો પ્રેમ, રવિ સાથે બન્ને કોલેજમાં સાથે અભ્યાસ કરતા હતા,સવારના વહેલા ઉઠી બન્ને સાથે ટ્રૅનમાં જાય સ્ટેશન ઊતરી  ચાલતા કોલેજ પહોંચે.
બન્ને ડો. થયા, રવિને સ્કોલરશીપ મળતા અમેરિકા ગયો. ઈશાએ માતા-પિતાની ઈચ્છાનો આદર કરી, મુંબઈમાં પ્રેકટિશ શરુ કરી. રવિ અમેરિકામાં ભણ્યો ત્યાં જ પોતાની સાથે કામ કરતી નર્સ સાથે પ્રેમ લગ્ન કર્યા. ઈશા ખૂબ સુંદર દેખાવમાં કોલેજમાં ઘણા યુવકો તેની સાથે મિત્રતા કરવા આતુર હતા, ઇશા કોઈને દાદ નહોતી આપતી. એક દિવસ ઈશા ઓફિસમાં છેલ્લા દર્દીને તપાસ્યા બાદ  ચાર્ટમાં  પોતાની નોટ્સ લખી લખી રહી હતી, ફ્ર્ન્ટ ડૅસ્ક પરથી  ટેલીફોન રણક્યો, ઇશા મનમાં કોણ હશે!ફોન ઉપાડ્યો, “હલો ભારતી અત્યારે કેમ ફોન કરે છે? “
“બેન,૫ વાગે એક ભાઈ આવ્યા છે તમને મળવા માગે છે, અમે સમજાવ્યા બેન ૫ વાગ્યા પછી કોઇને મળતા નથી. આવતી કાલે સવારના ૮ વાગે આવજો ,તે ભાઇ આજે જ મળવાનો  આગ્રહ કરે છે”
શું નામ છૅ?
“નામ નથી જણાવતા કહે છે મને જવા દ્યો , મને ખાત્રી છે  તમારા સાહેબ મને ઓળખી જ જશે”
હવે ઈશાની ઇન્તેજારી વધી કોણ હશે? જે આટલા વિશ્વાસથી મારા વિષે બોલે છે!
” ઓ કે ભારતી આવવા દે”
 આવેલ ભાઈ ઓફિસમાં દાખલ થયા 
એ ભાઈને જોયા યાદ આવ્યું કોલેજમાં સાથે ભણતો હતો તે રાકેશ, જે ઈશા સાથે  મિત્રતા કરવા માટે કેટલા બધા પ્રયત્નો કરતો, વર્ષગાંઢને દિવસે સારી સારી ભેટ લાવતો, સિનેમાની ત્રણ ટિકીટ લાવી કહેતો આજે તું અને તારી બહેનપણી ઇલા આપણૅ ત્રણે સાથે જઈએ,ઈશાએ રાકેશની કોઇ ભેટ નો સ્વીકાર નહી કરેલ.
રરાકેશ અત્યારે શા માટે અહીં આવ્યો છે? તને ખબર તો છે હું તારી કોઈ ભેટ સ્વીકારીશ નહીં.

રાકેશ;”ઈશા હું તને ભેટ દેવા નથી આવ્યો એક સમાચાર દેવા આવ્યો છું, હું અમેરીકા ફરવા ગયેલ, ત્યારે હું રવિના ઘેર ગયો હતો મે જોયું તે તને કહું છું રવિએ એક અમેરિકન નર્સ જોડે પ્રેમ લગ્ન કરી લીધા છે તેને એક દીકરી પણ છે ,તું તેની રાહ જોયા કર,રવિ પાછો આવવાનો નથી. તું હવે મારી સાથે નહી તો કોઈ તારા કલીગ સાથે લગ્ન કરી લે.
ઈશા:-મને આ વાતની ખબર છે. રવિ મારો પ્રથમ પ્રેમ હું બીજા કોઇને પ્રેમ આપી શકીશ નહી,હું  લગ્ન કરીશ નહી . બાય તું જઈ શકે છે .આવજે ફરી આવીશ નહીં.
રાકેશ હંમેશની માફક હતાશા સાથે ગયો.
આ વાતને બે વર્ષ વિત્યા. એક દિવસ રવિનો પત્ર આવ્યો, ઈશાએ વાંચ્યો
ઈશા ,
હું અમેરીકાથી મારી બે વર્ષની દીકરી સાથે  કાયમ માટે ઈન્ડિયા આવું છું . આશા છે તું મને મળશે.અને મારી અમેરીકાની વાત સાંભળશે.
એજ તારો ને તારો જ રવિ.

ઈશા ઍરપોર્ટ રવિને લેવા ગઈ, રવિને  ઈશાને જોયને ખૂબ આંનંદ થયો ,મનમા બોલ્યો ‘મારી ઈશા મને ભૂલી નથી ગઈ’.
ઇમિગ્રેસન ની વિધી પતાવી ઇશા ને મળ્યો બન્ને ભેટ્યા,
રવિ બોલ્યો મારી વ્હાલી મને ખાત્રી હતી તું મને એરપોર્ટ પર મળશે જ હું તને રોજ યાદ કરતો હતો. 
તો પછી તે અમેરિકામાં નર્સ સાથે પ્રેમ લગ્ન  કેમ કરી લીધા?
ઈશા એ પ્રેમ લગ્ન નહોતા,” એક દિવસ હું કોલ પર હતો એ નર્સ મારા રૂમમાં આવી મને લાલચ આપી ડો હું અમેરિકન સીટીઝન છું મારી સાથે લગ્ન કરશે તો તને તુરત ગ્રીન કાર્ડ મળી જશે,અને મે ગ્રીન કાર્ડ મેળવવા તેની સાથે લગ્ન કર્યા. મને ગ્રીન કાર્ડ મળી ગયું છે ગ્રીન કાર્ડ ધરાવનાર વ્યક્તીને અમેરીકામાં સારો જોબ મળે, જેથી હું ્મારા માતા-પિતાને ડોલર મોકલાવી શકું અને મારી નાની બહેન કોલેજમાં જઈ શકે અને મારી મોટી બહેનના લગ્નણ  સારા ઠેકાણે થઈ શકે. તને તો ખબર છે મારાપિતાની સાધારણ આવક, આ બધો ખર્ચ શક્ય નહતો.

નર્સનું કાર અકસ્માતમાં અવસાન થયું છે, હું અહી કાયમ માટૅ આવ્યો છુંઆશા છે તું મને સ્વીકારશે હું મારી દીકરીને મારી માને સોંપીશ તેનો ઊછેર તેઓ કરશે “
વાત સાંભળી ઇશાની આખમાં આંસુ આવ્યા બોલી “રવિ તારે ગામડામાં તારી દીકરીને મોકલવાની જ્રરૂર નથી, થોડા દિવસ ગામ જઈ આવ પછી મારી  ઓફિસમાં આપણે બન્ને સાથે પ્રેકટીસ કરીશું.તને અહીંની બે હોસ્પિટલ છે ત્યાં અમેરિકામાં ટ્રૅન થયેલ ડોકટરને તુરત એટેચમેંટ મળી જાય છે.”
રવિ બે દિવસ  આરામ કરી ગામ ગયો. તેના માતા-પિતા પ્રથમ પૌત્રીને જોઈને ખૂબ ખુશ થયા.બન્ને ફૈબા ભત્રીજી ને જોઇને ખૂબ ખુશ થયા, ગામના બધા સગા વાહલા રવિને મળવા આવે બધા દીકરી મેરીને જોયને બોલે કેવી રૂપાળી ગોરી ગોરી છે!બન્ને ફૈબાએ તેનું નામ પાડ્યું મનીશા.નામ કરણ વિધી કરી બધા સગા વહાલાને જમાડ્યા અઠવાડીયું બધાએ સાથે આનંદ કર્યો. રવિને મુંબઈ જવાનો દિવસ આવી ગયો. આ આઠ દિવસ દરમ્યાન રવિએ અંધેરી માં આવેલ કોકીલાબેન ધીરુભાઈ અંબાણી હોસ્પિટલમાં અરજી બધા સર્ટિફિકેટ્સ સાથે મોકલી આપેલ.
મુંબઈ પહૉંચ્યો ઈશાએ ઇન્ટરવ્યુ લેટર બતાવ્યો , બીજે દિવસે હોસ્પિટલ ગયો મુકેશ અંબાણીએ ઇન્ટરવ્યુ લીધો ગુજરાતી અમેરીકન ટ્રેન ડોકટર તુરત રવિને સારા પગાર અને રહેવાનું ક્વાટર્સ સાથે હાયર કરી લીધો.
સમાચાર ગામડે જણાવ્યા.રવિના માતા-પિતા મુંબઈ આવ્યા. થોડા દિવસ પછી રવિએ જણાવ્યું ઈશા સાથે લગ્ન કરવા છે, માતા-પિતાની હાજરીમાં બન્ને એ કોર્ટમાં લગ્ન કર્યા. થોડા દિવસ બાદ રવિએ મુકેશભાઈને જણાવ્યું કવાટર્શ ની જરૂર નથી અને તેઓ ઈશાને બંગલે રહેવા ગયા.ઈશા માનશીની માતા બની.રવિના માતા-પિતા રવિનો સુખી સંસાર જોઈને  પાછા ગામ ગયા.   

 ં

 

       

     

 

હાઇકુ

            

                             આતુર જીવ
                          ઉદભવશે નવું
                            બની વાટ 

                          

યુધ્ધની અકળામણ

આજે ચાર દિવસથી હીનાબહેન સમાચાર પત્રમાં સમાચાર વાંચી ચિંતા કરતા હતા, કરે જ ને તેમની દીકરી યુક્રેનની મેડીકલ કોલેજમાં અભ્યાસ કરતી હતી. રાત્રે પડખા ફેરવે જમણી બાજુ ,કલાકમાં ડાબી બાજુ, હિતેનભાઈએ સવારે ચા-નાસ્તો કરતા પુછ્યું હીના તને રાત્રે શાની અકળામણ થાય છે? હજુ એટલી ગરમી પણ શરુ નથી થઈ! તને ગરમી લાગતી હોય તો એક મહિનો વહેલું એ સી શરુ કરી દઇશ.
‘ના હિતેન ગરમી નથી થતી મને આપણી હર્શીની ચિંતા છે ચાર દિવસથી એનો ફોન નથી, હું ફોન કરું છું તો રીંગ વાગતી નથી શું થયું હશે! ‘
અરે હું તને કહેતા ભુલી ગયો મનીશભાઈનો મને ઓફિસમાં ફોન હતો બધા વિદ્યાર્થીઓને ઇન્ડિયન એમ્બેસીમાં આસરો આપ્યો છે તેમનો દીકરો છેલ્લી ટ્રેન પકડી એરોડ્રામ પહૉંચી શક્યો. અત્યારે રેલ્વે પ્લેટફોર્મ પર રસિયન આર્મીએ કબજો કર્યો છે  હર્શી અને બિજા ઘણા વિદ્યાર્થી અત્યારે એમ્બેસીમાં છે.
આજે ટી.વી ફોક્ષ ચેનલ પર જાણ્યું બધા યુક્રેન વાસીઓ પોલેન્ડ અને રોમેનિયા જય રહ્યા છે, પોલેન્ડ, રોમેનિયા આ બધા નિરાશ્રિતોને આસરો આપે છે. આપણી હર્શી ત્યાં પહોંચી હશે, આપણા વડા પ્રધાન નરન્દ્રભાઈ મોદી
અહીંથી પોલેન્ડ પ્લેન  રવાના કરે છે આપણા દેશના વિદ્યાર્થી અને નાગરીકોને દિલ્હી લાવે છે અને નરેન્દ્રભાઈ તેમને મળે છે,હીના હવે તારે કશી ચિંતા કરવાની રહેતી નથી. આ વાતચીત ચાલતી હતી અને હીનાબહેનના સેલફોનની રીંગ વાગી ફોન ઉપાડ્યો હર્શી નો અવાજ હલ્લો મોમ હું દિલ્હી આવી ગઈ છું, આજે શ્રી નરેન્દ્રભાઈ સાથે વાતો કરી આવતી કાલે અમદાવાદ આવી જઈશ ટિકીટ બુક થશે ત્યારે ફ્લાયટની વિગત મોકલાવીશ.
હિતેશભાઇ બોલ્યા હર્શીબેટા આજે તારો આવાજ સાંભળ્યો આજે રાત્રે  તારી મમ્મીને ખસખસાટ ઊંઘ આવશે.
બાય પપ્પા મમ્મી સી યુ સુન .

મિત્રતા

Photo by Andrea Piacquadio on Pexels.com

ક્રિસમસના બે દિવસ પહેલા પાડૉશના ચાર મિત્રો બેક યાર્ડમાં

ભેગા મળી પોત પોતાના

ક્રિસમસ વીશ લીસ્ટની ચર્ચા કરે છૅ.ઉંમર આસરે ૭ અને ૧૨ વચ્ચેની,

૭ વર્ષની નાની  સારા તેના પિતા અફઘાનિસ્તાનમાં છે.

અને માતા ૧૨ મહિનાથી જોબ વગર છે, અનએમ્પલોઇમેન્ટ

બેનીફીટ પર છે. બોલી ‘મે આ વખતે સાંતાને ખુબ મોટુ લીસ્ટ આપ્યું છે.

આ વર્ષે મારી મમ્મીએ મને એક પણ બાર્બી નથી અપાવી,મારી

પાસે એક પણ ડોરા નથી, મારી પાસે હેના મોન્ટાનાના સોંગ્સ

પણ નથી,મારી બધી ફ્રેન્ડસ પાસે આ બધુ છે.મારા ડેડી અફઘાનિસ્તાન છે

એટલે મારી મમ્મી ઍફોર્ડ નથી કરી શકતી,પણ મને મારી મમ્મીએ કીધુ છે

સાંતા મારી બધી ઈચ્છા પૂરી કરશે’. બાકીના ત્રણે મિત્રો એક સાથે

‘વાવ સારા અમે બધા સાંતાને પ્રે કરીશુ અમારી એક ગીફ્ટ ઑછી

કરી તને આપે,’ ડૉમિનીક અને ડૅવીડ બન્ને ભાઇઓ એ પોતાનુ

બુમબોક્ષ સારાને આપે તેવો વિનંતી પત્ર સાંતાને લખવાનુ નક્કી કર્યુ

તો ૮ વર્ષની માયા બોલી હું મારી ડોરા તને આપવા જણાવીશ.

આમ ત્રણે ભાઇ બહેને મળી સારાને ખુશ કરી દીધી. સારા અને માયા

ખુસખુસાલ સ્વીંગ પર જુલ્યા.ડૅવીડ અને ડોમિનીક બાસ્કેટ બોલ રમ્યા

ત્યાં મમ્મીનો અવાજ સંભળાયો કીડ્સ ડીનર ટાઇમ અને ત્રણે ભાઇ બહેન

મમ્મીનો અવાજ સાંભળી સારાને બાય બાય કરી અંદર ગયા.

ત્યાં સારાની મમ્મીનો પણ અવાજ સંભળાયો સારા ચાલો ડીનર

તૈયાર છે અને સારા પણ મિત્રોને બાય કરી તેના ઘર તરફ વળી,

ઘેર જમતા જમતા મમ્મીને કહે’ મમ્મી માયા, ડેવિડ, અને ડોમિનીક

ત્રણે જણ મારા બેસ્ટ ફ્રેન્ડસ છે.મમ્મી બોલી’ હા બેટા તેઓની મમ્મી

પણ મારી બેસ્ટ ફ્રેન્ડ છે’.

‘મમ્મી ખરેખર સાંતા મને બધી ગિફ્ટ આપશે?’

‘હા બેટા સાંતા કોઇ બાળકને નિરાશ ન કરે ,

અને જેના ડેડી અફઘાનિસ્તાન હોય,તેની માંગ તો

ખાસ યાદ રાખે’.તે બધા બાળકોના નામ સાંતાના

સ્પેશીયલ લીસ્ટમાં હોઇ.

તો મમ્મી મને બધુ મળશે’

હા બેટા જરુર તને બધુ મળશે’

આમ મમ્મી અને ફ્રેન્ડ્સ બન્ને તરફથી

બાંયેધરી મેળવી સારા નિદ્રાધીન થઇ.

અને સારાની મમ્મી મેરી ફ્લાયરના પાના ફેરવવામાં પડી

છેલ્લી ઘડી એ સેલ સારુ મળી જાય અને દિકરીની

બધી માંગ પૂરી કરી શકે.

             ડૅવિડ ડોમિનીક અને માયાએ જમતા જમતા મમ્મી ડેડીને

સારાના વિશ લીસ્ટની વાત કરી.ડેવિડ બોલ્યો ડેડી હું સાંતાને ટેક્ષ્ટ મેસેજ

મોકલુ? હવે સમય ખુબ ઓછો છે,’મમ્મી બોલી ગુડ આઇડીયા’,

અને ડેવિડૅ તુરત જ સાંતાને ટેક્ષ્ટ મોક્લ્યો

ડીયર સાંતા,

અમે બે ભાઇઓ અમારો બુમ બોક્ષ  અમારી ફ્રેન્ડ સારાને આપવા

માંગીએ છીઍ આ અમારી ખાસ નમ્ર વિનંતી આપ સ્વીકારશો

 આપને છેલ્લી ઘડીએ તકલીફ આપવા બદલ માફ કરશો.

અને મારી નાની બેન માયા તે ની ડોરા સારાને આપવા વિનંતી કરે

છે. સ્વીકારશો.

with Regards

David ,Dominik and maya

આમ ત્રણ જણાએ ખુશ થઇ સાંતાને ટૅક્ષ્ટ મોકલ્યો.

મમ્મી ડેડી જોઇ ખુશ થયા.

ત્રણૅ ભાઇ બેને ડીસર્ટમાં મમ્મીએ બેક કરેલ,

 કુકી અને દુધ સાથેબેસી માણ્યા.

મમ્મીએ ત્રણૅને ઉપર બ્રસ કરવા મોકલ્યા.

મમ્મી ડેડી કિચનમાં એકલા પડ્યા.

મમ્મી બોલી માઇકલ હું મેરીને ફોન કરુ છું.

ત્યાં સુધી તું ડૉરા અને બુમબોક્ષ પેક કરી લે’

માઇકલે બોક્ષ તૈયાર કર્યા લેબલ લગાવ્યા

ટુ સારા ફ્રોમ સાંતા.

કેથીએ મેરીને ફોન કરી જણાવ્યુ તુ ફ્રંટ ડોર પાસે

ઉભી રહે હું તારે ત્યાં હમણા જ આવું છું.મેરી તારે

કશુ બોલવાની જરુર નથી આપણે બન્ને એ મળી

આપણા બાળકોની ઇચ્છા પ્રમાણે વર્તવાનુ છે અને

આપણા બાળકોની સાંતા પ્રત્યે શ્રધ્ધા દૃઢ કરવાની છે’.

આમ મેરીને કંઇ પણ બોલવાનો ચાન્સ કેથીઍ ના આપ્યો

અને સમય બગાડ્યા વગર બેઉ બોક્ષ લઇ મેરીના ઘેર ઉપડી.

મેરી દરવાજા પાસે જ ઉભેલ તુરત જ દરવાજો ખોલ્યો,

ગળગળા અવાજે બોલી ‘કેથી આટલુ બધુ તારે ન કરવુ જોઇએ’

મેરી તારે કંઇ જ બોલવાનું નથી મેં તને ફોન પર કહ્યું તેમ

આ મેં નથી કર્યુ આપણા બાળકોએ નક્કી કર્યુ છે.અને માતા તરીકે

આપણે બન્નેઍ તેમના નિર્ણયને માન આપવુ જ જોઇએ.

મેરીએ બન્ને બોક્ષ લઇ પોતાની કારની ટ્રંકમાં મુક્યા.

બન્ને બેનપણીઓ ભેટી,અને ત્યારે જ ઉપરથી ખરતો તારો

દેખાયો. બન્ને એકસાથે બોલી”one Angel got the wings”.

મેરીને ખરેખર કેથી એન્જલ સ્વરૂપ લાગી.

બોલી ‘ થેક્સ કેથી યુ આર માય બેસ્ટ ફ્રેન્ડ’.

            ” Friend indeed

               when friend in need”

કહેવત કેથીએ સાર્થક કરી.

મુકેશની મુંજવણ

                      મુકેશની મુંજવણ
મુકેશ અને સરલા પાડોસી નાનપણમાં સાથે રમતા.મુકેશની ઉમર ૬ વર્ષની સરલા ૯ વર્ષની મુકેશ નાનો, પણ લાગે સરલા કરતા મોટો પટેલનો દીકરો તેના દાદાને ખેતી-વાડીનો ધંધો ખેતરના કામમાં દાદા અને મુકેશના પિતા બન્નેના શરીર કસાયેલ મુકેશને પણ દાદા અને પિતાનો શરીર સ્વાસ્થયનો વારસો મળેલ ૬ વર્ષનો લાગે ૧૦ વર્ષનો.
મુકેશના પિતા કરસન ૭ ચોપડી ગામમાં ભણ્યા વધુ અભ્યાસ માટે નડિયાદ પટેલ બોર્ડિંગમાં ગયા મેટ્રીક પાસ થયા અને નડિયાદની પ્રાથમિક શાળામાં શિક્ષક તરીકે જોડાયા. નડિયાદ ગામના પુંજાલાલ પટેલની કન્યા ગોમતી સાથે લગ્ન થયા અને નડિયાદમાં કરસન-ગોમતીનો ઘરસંસાર શરુ થયો.
સરલા,મુગટલાલ જોષી બ્રાહ્મણની દીકરી મુગટલાલ  નડિયાદની પ્રાથમિક શાળામાં પ્રિન્સીપાલ,તેમના પત્ની વિજયાગૌરી સુરતના બ્રાહ્મણ નર્મદાશકરના પુત્રી.
જોગાનુજોગ કરસન અને મુગટલાલ એક જ સોસાયટીમાં પાડોસી બન્ને કુટુંબ અવાર નવાર હળે મળે બન્ને બાળકો સાથે રમે, સરલા ત્રીજા ધોરણમાં, મુકેશ પહેલા ધોરણમાં બન્ને સાથે શાળામાં જાય, ઘેર આવે સાથે લેશન કરે સરલા ખુબ ચીવટવાળી પોતાના પુષ્તકો સાચવે મુકેશને આપે.
સરલા  પ્રથમ વર્ગમાં પાસ થઈ, નડિયાદની કોલેજમાં દાખલ થઈ.  મુકેશ બીજા વર્ગમાં,મુકેશ કોમર્સ કોલેજમાં ભણે. બાળપણના સાથી યુવાન પ્રેમમાં પડ્યા, સરલા પ્રથમ વર્ગમાં બી.એ પાસ થઈ. પિતાની શાળામાં શિક્ષીકાની નોકરી મળી ગઈ.
એક દિવસ વિજયાએ પુછ્યું “સરલા તારે માટે આપણી જ્ઞાતીના ભણેલા અને સારા હોદ્દાની નોકરી કરતા યુવાનોના માગા આવે છે, આ રવિવારે આપણા ઘેર ચા-પાણી માટૅ બોલાવેલ છે તું બીજે ક્યાંય જવાનું ગોઢવતી નહી”
“બા મારો હમણા વિચાર નથી મારે એમ.એ કરવું છે”
“સરલા, દીકરી બહુ ભણે તો વિવાહ કરવા મુશ્કેલ થાય તું સમજ તો સારું,”
“બા મારે વધારે ભણેલાની જરૂર નથી હું એમ.એ થઈશ તો પણ મને બી કોમ પાસ મુકેશ પસંદ કરશે.તું ચિંતા નહી કર”,
“એ લોકો પટેલ,આપણે બ્રાહ્મણ વિચાર તો કર”,
“બા આ ૨૧મી સદી છે અત્યારે કોઈ જ્ઞાતિ, જાતી, ધર્મના ભેદ-ભાવ રહ્યા નથી, અત્યારે આંતરરાષ્ટ્રિય લગ્ન પણ થાય છે.
મુકેશ બી કોમ પાસ થયો.તેના માતા-પિતા એ પણ પટેલ જ્ઞાતિની સારી કન્યાની શોધ શરું કરી દીધી.
કરસનભાઈએ મુકેશને લગ્ન વિશે વાત કરી “બેટા આપણી જ્ઞાતિમાં ભણેલી છોકરી મળવી મુશ્કેલ આપણા ગામની એક દીકરી કન્યાશાળામાં દાખલ થયેલ છે ત્યાંના કન્યાછાત્રાલયમાં રહે છે ૧૦મું પાસ કર્યું તું હા પાડે તો વાતચિત શરું કરીયે”
મુકેશે તો ફટ કહી દીધું બાપુ મારે તો સરલા સાથે પરણવું છે અમે બન્ને પ્રેમ કરીએ છીએ”
“અરે એ લોકો બ્રાહ્મણ આપણે પટેલ એતો વિચાર કર!’
“બાપુ મુગટકાકા અને વિજયાકાકીને વાંધો નથી સરલાએ તેમને જણાવી દીધું છે”.
“અરે વાહ આજે જ હું અને તારી બા મુગટભાઈને ઘેર જઈએ અને સરલાનો હાથ માંગીએ”.
બન્ને કુટુંબ મળ્યા અને સરલા મુકેશ જીવનસાથી બન્યા.
મુકેશને સરકારી બેન્કમાં નોકરી મળી ગઈ.
બન્નેના ઘરસંસારના થોડા વર્ષ આનંદમાં પસાર થયા.એક દીકરાનો જન્મ થયો, સરલાએ દીકરાના ઉછેર માટે સવારની ૭- ૧૨ની નોકરી શરુ કરી, મુકેશ ૧ થી ૮ની બેન્કમાં નોકરી કરે,બાળકનો પોતાની રીતે ઉછેર કરી શકાય એ હેતુ.દીકરાનું નામ સુમિત, સુમિતના નાનીમા અને દાદીમા બન્ને દોહિત્ર અને પૌત્રને સાચવવા તૈયાર હતા પરંતુ સરલાને વયસ્ક માતાઓને તકલીફ નહોતી આપવી.
સુમિત નાનપણથી હસમુખો અજાણ્યાને જોયને હસે સૌને વહાલો લાગે.ચાર વર્ષનો થયો શાળા શરુ કરાવી બાળપોથી, રવિવારે સરલા લાયબ્રેરીમાંથી બાળવાર્તાઓની ચોપડીયો લઈ આવે, સુમિતને વાંચતા શીખવાડે.મુકેશને આ જરાય નાગમે.બન્ને વચ્ચે દલીલ શરુ થઈ જાય.
“સરલાઆવડા નાનાને શાળા શરુ કરાવી રવિવારે પણ રમવા નહી દેવાનો!”
“હોશિયાર કરવો હોય તો અત્યારથી ધ્યાનરાખવું પડે મારે એને પ્રથમ શ્રેણીનો વિદ્ધાર્થિ બનાવવો છે, અને રોજ સાંજે હું એને ગાર્ડનમાં લઈ જાવ છું ત્યાં બધા બાળકો સાથે રમે છે”
“રવિવાર એક દિવસ જ મને રજા હોય ત્યારે મારે મારા દીકરા સાથે નહી રમવાનું!”
સુમિતઃપપ્પા તમે સાંજે વહેલા ઘેર આવોને તો આપણે બધા સાથે બાગમાં ફરવા જઇએ,
“બેટા મારે બેન્કમાં ૮ વાગ્યા સુધી કામ હોય હું વહેલો ન આવી શકુ”
“મુકેશ તમે હવે ૯થી ૫ માટે તમારા સુપરવાઝરની સાથે વાત કરો, મેં હવે ૧૧ થી ૫ જવાનું શરુ કર્યું છે, તો આપણે ત્રણે સાથે જમીને ગાર્ડનમાં જઈ શકીએ”, રાત્રે મોડા જમો અને ટી વી જોવો ને સુઇ જાવ એમાં તમારું વજનપણ વધતું જાય છે”,
તને તો તારા પિતાની લાગવગથી બધુ મળી શકે, મારા કોઈ સગા બેન્કમાં નથી”,
મુકેશ મને મારા પિતાની શાળામાં કે તેમની લાગવગથી નોકરી નથી મળી મને મારા કામની કદરના પ્રમાણપત્રથી કન્યાશાળામાં ૧૧થી ૫ની નોકરી મળી છે, પ્રયત્ન કરવાથી નિરધારીત કાર્ય જરૂર થઇ શકે છે, તારે બીજી સહકારી નાની બેન્કમાં અરજી કરવી જોઇએ, તારી બેન્કના મેનેજરના પ્રમાણપત્ર સાથે અરજી મોકલવાની બે ત્રણ બેન્કમાં પ્રયત્ન કરવાથી સફળતા મળે.
અવાર નવાર બન્ને વચ્ચે થતી આવી વાતોથી મુકેશનું પૌરુષ ઘવાતું સરલા મારા દીકરા સામે મને નીચો પાડે છે પોતે મારાથી હોશિયાર છે તે સાબીત કરે છે.પરિણામ પતિ-પત્નિના મન ખાટા થવા લાગ્યા.મુકેશ તેના પિતાને ઘેર જતો રહ્યો.
સુમિત પૂછે મમ્મી પપ્પા કેમ દાદાને ઘેર રહે છે? મારે પણ દાદાને ઘેર રહેવા જવું છે, મમ્મી તું પણ આવ આપણે બધા દાદાને ઘેર સાથે રહીશું ખૂબ મઝા આવશે.
સરલાઃબેટા પપ્પા થોડા દિવસમાં પાછા આવશે,આપણે જવાની જરૂર નથી.
સુમિતે થોડા દિવસ રાહ જોઈ પપ્પા ના આવ્યા.
સુમિતે એક સાંજે હઠ પકડી મમ્મી આજે મારે ,પપ્પા પાસે જવું છે,મારે જમવું નથી બાગમાં રમવાય નથી જવું.
બાળ હઠ સરલાને માનવું પડ્યું સાસરે બન્ને જણા મુકેશના પિતાને ત્યાં ગયા કરસન અને ગોમતી પૌત્રને જોયને આનંદવિફોર થઈ ગયા દાદાએ પૌત્રને દરવાજેથી ઉંચકી, ખોળામાં બેસાડ્યો ગોમતીએ બાપ દીકરા અને પૌત્રની થાળી પિરશી બધા સાથે જમ્યા, સાસુ-વહુ જમ્યા સહુ સાથે બાગમાં ફરવા ગયા. સુમિત ખૂબ ખુશ થયો પપ્પા તમે ઓફિસથી રોજ વહેલા આવશો? કરસનભાઈએ જવાબ આપ્યો હા બેટા તારા પપ્પાને અહીંની પિપલ્સ બેન્કમાં નોકરી મળી ગઈ છે, રોજ ૫ વાગે ઘેર આવી જશે, આપણે સહુ સાથે જમીને ફરવા જઈશું.
સરલાઃ વાહ બાપુજી સરસ સમાચાર!
હા બેન્કના મેનેજર પટેલ છે આપણા સગામાં અને મુકેશના સરકારી બેન્કના મેનેજરે સારો રિપોર્ટ આપ્યો તેથી તુરત નોકરી મળી ગઈ.
સાંભળતાજ સુમિત બોલ્યો મમ્મી આપણે હવે દાદાના ઘેર જ રહીએ આપણા ઘેર નથી જવું મને ત્યાં એકલા એકલા નથી ગમતું.
ગોમતીબહેન બોલ્યા બેટા આ ઘર તમારું જ છે.
સરલા સુમિતની અને સાસુ-સસરાની ઈચ્છાને માન આપી
બોલી હા બેટા આપણે સહુ સાથે રહીશું.

ક્રિસમસ પુરસ્કાર

•                                    ક્રિસમસ પુરસ્કાર
  ડેવીડ અને ડોરા બન્ને ૨૪ડીસેંબરની સાંજે પાડોસી સેરા અને સામ સાથે રમતા હતા ડેવીડના ઘર પાસે તેના ડેડીએ થાંભલામાં બાસ્કેટ ગોઠવેલ જેથી બાળકો વેકેસનમાં ઘર આંગણે રમી શકે ચારે જણા બાસ્કેટ બોલ રમ્યા ત્યાર બાદ થોડી વાર પક્કડ દાવ રમ્યા. રમતા રમતા થાક્યા બધા બાળકો લોનમાં થાક ખાવા બેઠા વાતો કરવા લાગ્યા બીજા ગુજરાતી બાળકો પણ બેઠેલ હતા સૌ એક બીજાને પોતે મોકલાવેલ વિસ લીસ્ટની  વાતો કરવા લાગ્યા ડેવીડ બોલ્યો મે સાંતા પાસે એપલ ઘડીયાળ માંગી છે, ડોરા બોલી મે બાર્બી ડોલ માંગી છે ગુજરાતી કેવલ બોલ્યો મારી મમ્મીએ અમને દિવાળી ગિફ્ટ આપી છે અમે ક્રિસમસ ટ્રી મુકેલ છે મારી નાની બેનને ખુશ કરવા તેના માટે અને મારા માટે મમ્મીએ સરપ્રાયઝ ગિફ્ટ મુકેલ છે.
  સેરા અને સામ એકદમ શાંત હતા બધાની વાતો સાંભળી રહેલ, ડોરાએ પૂછ્યું સેરા(what did you ask?) તે શું માંગ્યું? સેરા રડતા રડતા બોલી (my dad has no job  so we did not send any wish list)મારા પિતાની નોકરી જતી રહી છે તેથી અમે કાંય જ માંગ્યુ નથી સામ મોટો સમજુ બોલ્યો (my dad wanted to give us gift I said no this year we are sending request to Shanta to take away Omicorn virus from world, and cure every body ) મારા પિતા ગિફ્ટ આપવાના હતા મે ના પાડી કહ્યું અમે સાંતાને પત્ર લખી જણાવવાના છીએ કે ઑમિકોર્ન વાયરસની બિમારી આખી દુનિયામાંથી દૂર કરે અને બધા બિમારને સાજા કરે. 
  ૭ વાગ્યા ડેવીડના મમ્મીએ બુમ પાડી ડેવીડ ડોરા ડીનર ટાઇમ. બન્ને જણા ફ્રેન્ડસ્ને બાય બાય કરી ઊભા થયા ડીનર લેતા ડેવીડે મમ્મી-ડેડીને સેરા અને સામ સાથે થયેલ વાતની જાણ કરી, ડેવીડની મમ્મી અને સેરા સામની મમ્મી મિત્રો હતા સમજી ગઈ. બન્ને બાળકોને ઉપર સુવા મોકલ્યા સેરા ઉપર જતા બોલી મોમ ( don’t forget to keep milk and cookies for santa) મમ્મી સાન્તાં  માટૅ દુધ અને બિસ્કીટ મુકવાનું ભુલતી નહી).
  બાળકોના ગયા બાદ બન્ને પતિ-પત્નીએ બે એનવેલપ બનાવ્યા તેમાં ૫૧ ડૉલર મુક્યા અને સાથે સાન્તાનો પત્ર
  (my dear Seraa and Saam I am sending this money to help needy people like your Dad who lost his job because of this virus) પ્રિય સેરા અને સામ હું આ પૈસા મોકલાવું છું તે તમારા પિતા જેણે વાયરસના કારણે નોકરી ગુમાવેલ છે. સેરાના મમ્મીને ફોન કરી ગરાજમાં ઉભારહેવા જણાવ્યું જેથી બેલ વગાડવી ન પડે, સામની મમ્મી આવી તેણીનો પતિ આખો દિવસ નોકરીની અરજી કોમ્યુટર કરી થાકેલ સુય ગયેલ, ડેવીડના મમ્મીએ બન્ને એનવેલપ સામની મમ્મીને આપ્યા,( Nansi please accept this little help)નાન્સી આ નાનકડી મદદ સ્વીકારી લે. બન્ને આંખમાં અશ્રુ સાથે ભેટી તે સમયે આકાશમાંથી ખરતો તારો જોય બન્ને બહેનપણી એક સાથે બોલી ,બન્ને સાથે બોલી(make a wish)ઈચ્છા બોલ) બન્ને બોલ્યા (take away this virus from the world and cure suffering people)આ વાયરસને દુનિયામાંથી લૈ લે અને બધા દર્દીઓને જલ્દી સારા કરી લે) આપણે સૌ પણ આજે પ્રભુને પ્રાર્થના કરીએ આ ભયંકર વાય
  રસથી પીડાતા દર્દીઓને સાજા કર અને આ વાયરસને ભગાડ.
  
  ડો ઇન્દુબહેન શાહ.
  • ૧૨/૨૪૨૦૨૧
  • 
    
    

દિવાળી પર્વ

દિવાળીનો તહેવાર વાક્ બારસથી શરુ થાય અને જ્ઞાનપંચમી સુધી કહેવાય,
અધુનિક જમાનામાં આગળીના ટેરવે નુતન વર્ષાભિનંદન થાય, રંગોળી મુકાય
ટેકનોલોજીથી દુનિયા નાની થઈ રહી છે. જોજનો દૂરથી સંદેસા પલકારામાં અસંખ્ય
લોકોને મળી જાય છે.ફાયદા ઘણા છે.પરંતુ નવી પેઢીઆપણા તહેવારનો જે ઉત્સાહ
ઉમંગ આપણે નાનપણમાં માણૅલો તેનાથી વંચિત રહેશે. હું દિવાળી પર્વ વિશે કાવ્ય લખવાને
બદલે આડી વાત પર ચડી ગઈ. કાવ્ય.

વાક્ બારસ દિને વન્દુ મા સરસ્વતિ તને
તુજ કૃપા દૃષ્ટિ મુજ પર રહે
કટુ વચન કદી જિહ્વા ન બોલે
દેવ ધન્વન્તરિને વિનવું
સ્વાસ્થયનો સાથ રહે
મન મારું શુધ્ધ વિચારે વિહરે
મિત્રતા સહુ સાથ રહે
આધ્યાત્મિકતા ઉરમાં વશે
દ્રઢ નિશ્ચયિ કાળી ચૌદશે બનુ
કંકાશ કકળાટ દૂર રહે
દિવાળીએ દિવા પ્રગટે
અજ્ઞાન અંધકાર કરી દૂર
ઉજાશ જ્ઞાનનો નિરંતર રહે
ફૂલછડીના રંગબેરંગી ફૂલ જરે
ઇચ્છું સહુના જીવન રંગીન બને
નૂતન વર્ષાભિનંદન નવા વર્ષે
સગા સંબંધીને ભેટુ પ્રેમે
ભાઇબીજે ભાઇ-બેનના સ્નેહ વધે
ત્રીજ ચોથ સહુ સાથે હળીઍ મળીએ
જ્ઞાન પંચમીઍ શુભ લાભ સૌને મળૅ
સારા પુષ્તક વાંચન કરી જ્ઞાન વધે

ગરબો

 

નવ નવ રાતના નોરતા
મા ગરબે રમવા આવોને
મા તું ભક્તિ શક્તિ સ્વરૂપ
મા તારા ભક્તો કરે પુકાર
અંબા રમવા આવોને
તુજ અષ્ટ ભુજાએ
ધરી શસ્ત્રોનો શણગાર
કરવા કોરોનાનો સંહાર
કરીદે ભક્તોને ભયમુક્ત
જગદંબા રમવા આવોને
જય જય ભવાની દુર્ગે
શિવા મંગલરૂપ
તુજ મહિમા અમિત અનુપ
જય જગદંબે ચંડિકા
ભીડભંજની રમવા આવોને
સુણી ભક્તોની પુકાર
 મા અંબા રમવા આવોને

 

 

 

શ્રાવણ માસ

  આ મહિનો શિવ શક્તિની સાધનાનો મહિનો, આ વર્ષે શ્રાવણ મહિનો સોમવારથી શરુ થયો અને સોમવારે સમાપ્ત થશે, આ મહિનામાં આપણા કેટલા બધા વ્રત અને તહેવાર આવે. 
આપણા શાસ્ત્ર અનુસાર સોમવાર એ ચન્દ્રનો વાર ગણાય છે તે દિવસ ચન્દ્રમૌલી (ચન્દ્રને શિશ પર ધારણ કરનાર શિવનો વાર) તેથી શ્રાવણી સોમવારનું વ્રત ગુજરાતની ઘણી શ્રદ્ધાળુ બહેનો અને ભાઈઓ કરે છે.
તેથી મન હ્રદયમાં શાંતિ મળે તે માન્યતાને આધારે આ વ્રત પ્રચલીત હશે તેવું હું માનું છું.
શ્રાવણ સુદ એકાદશી જે પવિત્રા એકાદશી મનાય છે તે દિવસને પુત્રદા એકાદશી પણ કહેવાય છે આ વ્રત કરવાથી નિસંતાન દંપત્તીને ઉત્તમ ગુણવાળા સંતાનની પ્રાપ્તી થાય છે. આ દિવસે ભગવાન વિષ્ણુની અર્ચના તથા વિષ્ણુ સહસ્ત્રનામનું પઠન  કરવાથી જીવનના દરેક ક્ષેત્રમાં સફળતા પ્રાપ્ત થાય છે. આ દિવસે વિષ્ણુ ભગવાનને પવિત્રાની માળા પહેરાવી આરાધના કરાય છે. 
શ્રાવણ વદચોથ ગુજરાતમાં બોળ ચોથ કહૅવાય છે આ દિવસે બેનો ગાયની પૂજા કરે છે અને ઘવનો ખીચડો ખાયને વ્રત કરે છે. વદ પાચમ નાગપંચમી કહેવાય છે આ દિવસે ઘરના પુરુષ નાગ દેવતાની પૂજા કરે છે દૂધ અને કુલેર જે બાજરીના લોટમાં ઘી ગોળ નાખી બનાવાય છે તે નાગદેવતાને ધરાવે છે ત્યાર બાદ ફક્ત કુલેરનું ભોજન કરે છે. આ વ્રત કરવાથી નાગ કદી કુટુંબના કોઈ પણ સભ્યને દંસ દેતો નથી એવી માન્યતા છે. ત્યારબાદ રાંધણ છઠ્ઠ તે દિવસે શ્રી કૃષ્ણના મોટાભાઈ બલરામનો જન્મ બિવસ આ દિવસે બહેનો બીજા દિવસે જમી શકાય તેવી રસોય બનાવે છે ખાસ તો થેપલા સુખડી સેવ અને કંટૉળાનું શાક. બીજે દિવસે શીતળા સાતમ આ દિવસે બહેનો સિતળા માની પૂજા કરે છે અને એકવાર ઠંડુ ભોજન કરે છે, આ વ્રત ખાસ નાના બાળકોની માતા કરે છે આ વ્રત કરવાથી બાળકની ઓરી અછબડા અને શીતળાની બીમારીથી રક્ષણ મળે છે. જોકે હવે શીતળાની બિમારી રસી ફરજિયાત થવાથી દુનિયાભરમાંથી નાબુદ થઈ ગય છે.
    હવે જન્માષ્ટમી આજે છે. આજે કૃષ્ણજ્ન્મ મહોતસ્વ બધા મંદિરોમાં ઉજવાસે. કૃષ્ણ જન્મ મધરાતે અંધારી રાત્રીએ શા માટૅ! રાત્રીના સમયે ધોધમાર વર્ષામાં જેલના દ્વારપાળ પોઢી ગયા અને વસુદેવના પગની સાંકળો ખુલ્લી ગઈ અને તેઓ બાળકૃષ્ણને છાબડીમાં માથા પર મુકી જમુના નદી પાર કરી ગોકુળ નંદ-જસોદાના ઘેર મુકી તેની પુત્રીને છાબડીમાં મુકી પાછા આવી ગયા.કૃષ્ણ જન્મ દિને રોહિણી નક્ષત્ર હતું બુધવાર હતૉ. બધા ગ્રહો નક્ષત્રો શાંત હતા. નદી ખળખળ વહી રહી હતી રાત્રીના સમયે પણ સરોવરમાં કમળ ખીલી રહ્યા હતા, વનમાં વૃક્ષોની હારમાળા રંગબેરંગી ફૂલોથી શોભતી હતી, પંખીઓ ટહુકો અને ભ્રમરો હર્ષનાદ કરતા હતા, શીતળ મંદ સુગંધિત વાયુ સ્પર્શસુખ આપી રહ્યો હતો, અને સ્વર્ગના દેવતાઓના વાજિંત્રો આપમેળે વાગી રહ્યા હતા, યમુનાજી પ્રેમાનંદમાં તરબોળ એમના આનંદાશ્રુ એટલા વહ્યા કે પૂર આવ્યા કૃષ્ણના ચરણ સ્પર્શ કરવા કૃષ્ણએ પગનો અંગુઠો છાબડીની બહાર કાઢ્યો યમુનાજીએ સ્પર્શ કર્યો તુરત પૂર ઓસરવા લાગ્યા. અને વાસુદેવ નંદ યસોદાને ઘેર કૃષ્ણને મુકી આવ્યા.
નંદ ઘેર આનંદ ભયો, જ્ય કનૈયા લાલકી, હાથી ઘોડા પાલખીના હર્ષનાદ સાથે નંદબાબાએ સહુ ગામવાસીઓને ભેટ, સાધુ સંતોને દાન આપ્યા.
 શ્રાવણ મહિનાનો મહિમા જાણ્યો નાની કવિતા સાથે લેખ પૂરો કરું છું. 

 

                  મોર મુગટ મુરલીધર શોભે
                  હાસ્ય સદા મુખ પર સોહે
                 મહા રાક્ષસોને હણ્યા તમે
                 નાથ્યો કાળી નાગને
                 રાહ જોઈ રહ્યા સહુ અમે 
                 કારમો કોરોના રાક્ષસ
                 દુનિયાભરમાં વર્તાવે કેર
                 પધારો બચાવો માનવ જાત
                 ફરી કરીએ હર્ષનાદ
                 જય કનૈયા લાલકી
                 હાથી ઘોડા પાલખી.
અસ્તુ.
ડો ઇન્દુબહેન શાહ                  

 

 

જિંદગી (અછાંદસ) કવિતા

જિંદગી ભ્રમણાની ફૂલદાની
ઈન્દ્રિયોથી થાય પ્રેરીત 
નિત નવિન રંગો ભરતી રહે
હરે ફરે ભ્રમણા સુખદાયિની
રંગ ઊતરે વાસ્તવિકતા 
દુઃખ દાયિની બની જાય
નદીના જળ ખળખળ વહે 
મધુર મીઠા જળ પીને સંતોસાય
મળે સાગરને બને ખારી
રોકવા ખારાસ જળાસયો બંધાય 
બને ડેમ ઉપયોગી ખેતરો લહેરાય
વિજળી ઉત્પાદને પ્રકાશ ફેલાય
જો સંયમ રૂપી બંધ બંધાય
ઈન્દ્રિયોનો શક્તિ પ્રવાહ રોકાય
ઘેર ઘેર સહકાર શાંતિ સ્થપાય
જિંદગી સહુની સફળ થઈ જાય
ડો ઈન્દુબેન શાહ

૮/૧૨/૨૧

 

હતી ત્યાંની ત્યાં (વાર્તા)

       ઘણા વખતે અચાનક ડો .કામિનીએ ડો.હિરાણીને પાર્કમાં જોઇ, તેણીની સાથે મેડીકલ કોલેજમાં હતી, અને રેસિડન્સી પણ બન્નેએ સાથે જ કરેલ હિરાણીના લગ્ન નાની ઉમરમાં થયેલ કોલેજમાં હતીને તેણી બે દીકરીઓની મા થઈ ગયેલ.ચાર વર્ષ કોલેજમાં હતા ત્યારે હિરાણી કદી કોલેજની કોઈ પ્રવૃતિમાં ભાગ નહી લેતી કદી પિકનીકમાં પણ નહી આવે, કામિની નાનપણથી કુતુહલ સ્વભાવની તેણીને પૂછે કેમ તું નથી આવતી ? જવાબ હંમેશા એક, મારી બન્ને દીકરીઓ મોટી થશે પછી તેમની સાથે ફરીશ.
કામિનીની કુતુહલ વૃત્તિ વધારે જાગે બોલે હસબંડને અને દીકરીઓને લઈને આવ, 
હિરાણીનો જવાબ મારા હસબંડે બીજા લગ્ન કરેલ છે, તેને દીકરો જોઇતો હતો, મારે ત્રીજુ બાળક મારું ભણવાનું અને રેસિડન્સી પૂરી થાય પછી જ કરવાનો વિચાર મે મારા પતિને જણાવ્યો તેનાથી રાહ જોઈ શકાઇ નહી. મને ચાર વખત તલાક બોલી છોડી દીધી.
તે વખતે ઈન્ડીયામાં આ રિવાજ મુસલમાન કોમ્યુનિટીમાં બહુ પ્રચલીત હતો..  
કામિનીએ તુરત તેને ઑળખી તેની પાસે ગઈ હલો ડો હિરાણી હાવ આર યુ? આર યુ અલોન ?
 ડો ઈરાનીઃ યસ એસ યુસવલ આઇ એમ અલોન,
કામિનીઃ યોર ડૉટર્સ ડીડ નોટ કમ?
ડો ઈરાનીઃ કામિની મારી બન્ને પોરીના લગન થઈ ગ્યા છે બન્ને તેના વર સાથે દર વર્ષે વેકેસન લે છે અને ફરવા જાય છે મને પૂ્છતા નથી,
કામિનીના મુખ પર હાસ્ય અરે વાહ તને તો ગુજરાતી આવડી ગયું!
“હા, મને ખબર છે તું જાણવા આતુર છે કોની પાસે ગુજરાતી શીખી તું પૂછે તે પહેલા કહી દઉ, મારા ઘણા સમયથી એક ગુજરાતી દર્દી છે ,તે મારી સાથે હંમેશા ગુજરાતીમાં જ વાત કરે છે, શરુઆતમાં તેમની સાથે તેમનો દીકરો આવતો, પણ થોડા સમયથી તેઓ એકલાજ આવે છે, મને સમજાતું હતુ પણ બોલવામાં સંકોજ થતો તેઓએ મને ગુજરાતી બોલતી પણ કરી દીધી. બસ કામિની હું જાઉ છું.
“શું ઉતાવળ છે ! તારી ઘેર કોણ રાહ જુએ છૅ? 
ઈરાનીઃ મારા દર્દી હજુ હું રિટાયર્ડ નથી થઈ, 
કામિનીના મનમાં વિચાર આવ્યો, આજ-કાલના બાળકો કેટલા સ્વાર્થી છે! હિરાણીએ પોતાની નાની ઉમરના બધા મોજ-શોખ છોડી બન્ને દીકરીઓને એકલે હાથે મોટી કરી એ આશાએ કે દીકરીઓ મોટી થશે ત્યારે તેઓની સાથે ફરશે! વિચારના વમળમાં પાર્કની બેન્ચ પર બેઠી ત્યાં તેની દીકરી જોગીંગ કરી આવી  મમ્મી ચાલ પપ્પા ઘેર રાહ જોતા હશે.
કામિની ઉભી થતા મનમાં બોલી
‘હિરાણી તો હતી ત્યાંની ત્યાં!’

 

 

પિતાની યાદ

                                             

ફાધર્સ ડે જુન મહિનામાં જ શા માટે ? તેની પાછળ દંત કથા છે,વાસ્તવમાં ફાધર્સ ડેની શરુઆત ૦૫ જુ્લાઇ ૧૯૦8ના રોજ વેસ્ટ વર્જિનિયાના ફેરમાઉન્ટમાં કરવામાં આવી, આ દિવસ ૬ ડિસેમ્બર ૧૯૦૭ના રોજ  વેસ્ટ વર્જિનિયામાં આવેલ ખાણમાં  એક દુર્ઘટના થયેલ તેમાં ૨૫૦ કામદાર પિતાની જાન હાની થઈ તેના સન્મામાનમાં કરવામાં આવી હતી, પરંતુ પ્રથમ ફાધર્સ ડે ૧૭ જુન ૧૯૧૦ માં વર્જિનિયામાં યોજાયો હતો, આ દિવસ સત્તાવાર નોંધાયેલ ન હતો. ત્યાર બાદ ૧૯૭૨માં પ્રેસિડન્ટ નિકસને  જુન મહિનાના ત્રીજા રવિવારને ફાથર્સ ડે તરિકે મનાવવાનું નક્કી કર્યું. આખા દેશમાં ફાધર્સ ડે ની ઉજવણી ૧૯૭૨થી  થઈ. પિતાની યાદ માત્ર ફાધર્સ ડેના દિવસે જ આવે ?  ના પિતાની યાદ તો હૈયામાં હર હંમેશ હોય જ છે. મારા પિતાના સ્વર્ગ વાસને ૩૪ વર્ષ થયા. રોજ સવારે ઊઠી તેઓની ખાદીનો સુટ પહેરેલ છબી મારી નજર સમક્ષ આવે, આંખો બંધ કરી પ્રણામ કરું . નિત્ય કામ કાજમાં વ્યસ્ત થઈ જાઉ. આજે થોડી પંકતિ મારા પિતાને અર્પણ. 

                  મુજ પિતા સૂરજ સમા તેજસ્વી ગરમ ,
                  નવ બાળકોના ઉન્નતિ વિકાસ અર્થે,
                  ચાર પુત્રો પાચ પુત્રીનો સમાન ઉછેર
                  ભાઈબેન ઝગડે થપાટ ભાઈને પડે
                          જોઈ દાદી અકળાય 
                    કરડાકી નજરર બેન તરફ કરે 
                   નત મસ્તકે બેન ઉભી કરે વિચાર
                   વગર વાંકે પડ્યો માર વહાલા ભાઇને
                   અશ્રુ વહે વહાલના બેન ભાઇ ભેટે 
                   મુસ્કુરાય પિતા જોઇ સંતાન સંપ
                    મુજ પિતા દીશે ચંદ્ર સમા શીતળ
                         દાદી મનમાં હરખાય 
                   આદર વહાલ સંસ્કાર બીજ રોપાય
                    નત મસ્તકે ભાઇબેન કરે પ્રણામ
                     મુજ પિતા તેજસ્વી મહાન.

રામ નવમી

આ વર્ષે ની રામ નવમી સુમસામ
લોક ડાઊનમાં ભક્તો ભયભીત

પૂજારી એકલા નહી ભક્તોની ભીડ
પ્ર્સાદ ધરાવ્યો નથી લેવાને હાથ

કોરોના રાક્ષસ રાવણ ભયંકર
રામ નિશ્ચિત છે તારી જરૂર

રામ પ્રત્યંજા ચઢાવો તાકો બાણ
લોકોના જઈ રહ્યા છે આજે પ્રાણ

ઊઠો ઉડો હનુમાન હિમાલયે
શોધો અક્સિર સંજીવની નવીન